Selostat

Селостат (лот. cаэлум — осмон ва юн. статос — қўзғалмас) — осмон гумбазининг суткалик кўринмас ҳаракати туфайли жойини ўзгартирадиган осмон ёритқичларини кузатишга имкон берувчи қўшимча астрономик асбоб. Айланиб турувчи ясси кўзгуси бўлиб, у ёритқич нурини қўзғалмас телескопга йўналтириб беради. Асосан, Қуёшни кузатиш учун ишлатилади. С.нинг экспедицион (олиб юрса бўладиган) ва стационар (муқим) турлари бор. Экспедицион С., асосан, Қуёш тутилишларини кузатишга мослашган бўлиб, қуёш нурини телескоп объективига ёки камера кўзгусига йўналтириб беради. Стационар С.ларни қўшимча ясси кўзгу билан ишлатишга тўғри келади. С. куёш телескопларида, спектрогелиоскопларда ишлатилади. Тошкент астрономия институтида С. курилмали спектрогелиоскоп, горизонтал қуёш телескопи бор.