Senogenez

Сеногенез (юн. каинос — янги ва …генез) — организмнинг эмбрионал ёки личинка ривожланишининг ўзига хос шароитларига мослашуви. С.га амнион, хорион, аллантоис, сариқлик халтаси, йўлдош ва бошқа провизор (вақтинчалик) муртак органлар, эмбрионал ривожланиш тезлиги, эмбрион варақлари ҳосил бўлиши ва жойининг ўзгариши мисол бўлади, „С“ терминини немис олими Э.Геккел ўзининг биогенетик қонун консепсиясида таклиф этган (1866). Дастлаб С. онтогенездаги ҳар қандай ўзгаришларга нисбатан ишлатилган. С.нинг А. Н. Северсов ишлаб чиққан филембриогенез назариясида (1912) С.га фақат эмбриологик ва личинкалик мосланиш тарзида қаралади.