Serezin

Серезин (лотинча: cера — мум) — юқори молекулали қаттиқ ациклик ва сиклик тўйинган углеводородлар аралашмаси. Оқ рангдан жигарранггача; мумга ўхшайди. Табиий С. 57—80° да, синтетик С. эса 90—100° да суюқланади. Озокерит, нефтни қайта ишлаш маҳсулотларидан ҳамда углерод оксид билан водороддан синтез қилиб олинади. Консистент суркамалар тайёрлашда, электр изоляция материали сифатида асбоб ва ускуналарни занглашдан сақлашда, қоғоз ва газламаларга шимдиришда ва тиббиётда қўлланади.