Sheila S. Mathai
| Шеила С. Матҳаи | |
|---|---|
| Фуқаролиги |
 Индиа |
| Қўшин турлари |
 Ҳиндистон Ҳарбий денгиз кучлари |
| Хизматдаги йиллари | 1985 — ҳозиргача |
| Унвони |
 Вице Адмирал |
| Қўмондонлик қилган |
ИНҲС Асвини Навал тиббиёти институти |
| Мукофотлари |
 Нао Сена Медал Вишишт Сева Медал |
Вице-адмирал Шеила Саманта Матҳаи, НМ, ВСМ Ҳиндистон денгиз флотида хизмат қилувчи офицер. Ҳозирда у Қуролли Кучлар Тиббиёт хизмати бош директори (ташкилот ва шахсий таркиб) лавозимида ишлайди. У Ҳиндистон Қуролли Кучларида жарроҳ вице-адмирал (Ҳиндистон) Пунита Арора, ҳаво маршали Падма Бандопадхяй ва генерал-лейтенант Мадҳури Каниткардан кейин уч юлдузли унвонга кўтарилган тўртинчи аёлдир.
Ёшлиги ва таълими
Матҳаи Қуролли Кучларга хизмат қиувчи ҳарбийлар оиласида туғилган. Унинг отаси армия тиббиёт корпусида жарроҳ бўлган. У Калкуттадаги Лорето мактабларида ўқиган. Шеила ота-онасини эрта йўқотди ва отаси ўқиган Пуне (АФМC) қуролли кучлари тиббиёт коллежига қўшилди. АФМCда у МББС ни тугатди ва энг яхши талаба учун Калинга Тропҳй билан тақдирланди[1].
Матҳаи 1985-йилда Ҳиндистон денгиз флотида иш фаолиятини бошлайди. Кейинчалик у аспирантурани тугатиб, Мумбай университетида педиатрия бўйича тиббиёт фанлари доктори илмий даражасини олди. Кейин эса Мумбай университетида неонатология бўйича ДМ даражасини олди. У 2003-йилда неонатология бўйича Буюк Британияга Ҳамдўстлик ташрифи стипендиясига сазовор бўлди ва 2014-йилда Халқаро тиббий таълим ва тадқиқотларни ривожлантириш жамғармаси (ФАИМЕР) стипендиясини қўлга киритди.
Матҳаи Порт Блердаги ИНҲС Дҳанвантари ва Гоадаги ИНҲС Жеэванти-да педиатрия бўлимларини яратди. Шунингдек, у Мумбай ва Пуна шаҳарларида хизмат кўрсатиш ва касалхоналарда неонатал реанимация бўлимларини яратди. Жарроҳ сифатида у Пуна штатидаги Қуролли Кучлар тиббиёт коллежида профессор ва педиатрия кафедраси мудири лавозимларида ишлаган. Кейинчалик у Мумбайдаги Навал тиббиёти институти директори ва декани бўлиб ишлаган[2][3].
Даражаси
Матҳаи контр-адмирал унвонига кўтарилган ва Шарқий денгиз қўмондонлиги қўмондони тиббий ходими этиб тайинланган. Кейинчалик у Мумбайдаги ИНҲС Асвини Навал касалхонасининг қўмондони этиб тайинланди. У CОВИД-19 пандемияси пайтида Навал касалхонасини бошқарган[1]. 2021-йил 31-январда у икки зобит ўртасида қўмондонлик алмашган камдан-кам ҳолларда контр-адмирал Арти Саринга топшириб, Асвини қўмондонлигидан воз кечди. 1-февралда у Ғарбий денгиз қўмондонлигининг тиббий қўмондони лавозимини эгаллади[4].
2021-йил 26-августда у жарроҳ вице-адмирал даражасига кўтарилди, бу Ҳиндистон Қуролли Кучларида уч юлдузли даражага кўтарилган тўртинчи аёлдир. У Қуролли Кучлар Тиббиёт Хизмати (ДГАФМС) бош директори (ташкилий ва шахсий таркиб) лавозимини эгаллаган[3].
Шахсий ҳаёти
Матҳаи Ҳиндистон денгиз флотининг истеъфодаги офицери, жарроҳ комодор КИ Матҳаи, ВСМ нейрохирургига турмушга чиққан. У денгиз флотида 35 йил хизмат қилган. Эр-хотиннинг бир қизи бор[1].
Мукофотлар ва унвонлари
Матҳаи 1993-йилда Ҳарбий-денгиз кучлари штаби бошлиғи мақтов ёрлиғи, 2012-йилда Вишишт Сева медали ва 2021-йилда Нао Сена медали билан тақдирланган.
| Нао Сена медали | Вишишт Сева медали | Саиня Сева медали | Мустақилликнинг 50 йиллиги медали |
| 30 йиллик хизматлари учун медали | 20 йиллик хизматлари учун медали | 9 йиллик хизматлари учун медали | |
Манбалар
- ↑ 1,0 1,1 1,2 „#ДефендерсОфОурФреэдом: Сургеон Реар Адмирал Шеила Саманта Матҳаи, НМ, ВСМ“ (эн). фемина.ин.
- ↑ „ИНСТИТУТЕ ОФ НАВАЛ МЕДИCИНЕ, ИНҲС АСВИНИ“. индианнавй.ниc.ин. Қаралди: 2022-йил 9-май.
- ↑ 3,0 3,1 „Индиан Навй гец иц фирст диреcт ладй Виcе Адмирал | Индиан Навй“. www.индианнавй.ниc.ин.
- ↑ „Сургеон Реар Адмирал Арти Сарин такес овер cомманд Оф ИНҲС Асвини“. пиб.гов.ин.