Sheroziy
Шерозий (тахаллуси; асли номи Ёқубов Мадраҳим, 1890, Хива — 1973.22.10, Урганч) — хонанда ва созанда (дутор, гармон). Ўзбекистонда хизмат кўрсатган санъат арбоби (1949), Ўзбекистон халқ артисти (1970). Қуржи ота Авазматовдан дутор чалишни, Полвон дузчидан сувора йўлларини, Қурбон ота Исмоиловдан халқ қўшиқларини ва гармон чалишни ўзлаштирган. Ёшлигидан тўй, базм, халқ сайилларида хизмат қилиб, Хоразм, Қорақалпоғистон ва Туркманистонда шуҳрат қозонган. Хивада консерт бригадаси (1920), Ҳамза ташкил қилган театр труппаси (1921)да хонанда ва созанда. Москвадаги ўзбек санъати декадаси (1937), Катта Фарғона канали қурилиши (1939)да қатнашган. 1941—45 йилларда Янгийўл мусиқали драма ва комедия театрида ишлаган. У халқ қўшиқлари (мас, "Тасаддуқман", "Қора шомлар", "Алиқамбар" "Қора сочинг" ва бошқалар), Хоразм достон йўллари, суворалар, мақомларнинг тарона ва уфар қисмларини маҳорат билан ижро этган. Ш.басталаган "Гул Ватан", "Асрлар орзиқиб" ва бошқалар қўшиқлар оммалашган. Санъацҳунослик институти шаҳридан айрим хоразм халқ қўшиқлари ва, асосан, сувораларни магнит лентасига ёзиб олган (1957). М.Юсупов Ш. ижросида нотага олган хоразм халқ қўшиқларини "Ўзбек халқ музикаси"нинг 7жилдига киритган (1960). В. Фаёзов, К. Отаниёзов, М. Раҳимов, С.Раҳимова, М. Юсуповлар шаҳрининг шогирдларидир.
Адабиёт
- Аваз Сотим, Мадраҳимов О., Мадраҳим Шерозий, Урганч, 1989.
|
Бу мақолада бошқа тил бўлимларига ишорат йўқ. Сиз уларни топиб ва ушбу мақолага қўшиб, лойиҳага ёрдам беришингиз мумкин. |
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |