Shor usuli

Шор усули — металларнинг қаттиқлигини ўлчаш усулларидан бири. Америкалик ихтирочи ва саноатчи А. Шор ихтиро қилган (ХХ аср ўрталари). Шор усули маълум баландликдан ташланган енгил ургич (мас, пўлат шарча)нинг синаладиган металл жисм сиртидан сакраб чиқиш баландлигини ўлчашга асосланган. Металлнинг қаттиқлик қиймати ургичнинг сакраш баландлигига мутаносиб шартли бирликда баҳоланади. Шор усули ўтказиладиган асбоб Шор склероскопи деб аталади. Металларнинг қаттиқлигини ўлчашнинг Шор усулидан бошқа усуллари ҳам бор (қаранг Бринем усули, Роквелл усули).