Shuvaran

Шуваран, сассиқкапа — карамдошларга мансуб қишловчи бир йиллик бегона ўт. Пояси тик ўсади, сершох, тукли, бўйи 30—80 см. Барглари навбатманавбат жойлашган, бандсиз, икки марта пацимон кесилган, сертук. Гуллари оч сариқ қалқонча тўпгулга йиғилган. Меваси қўп уруғли қўзоқча. Илдизи сертомир ўқилдиз. Май—августда гуллайди, июн—сентабрда мевалаиди. Уруғидан кўпаяди. Бир тупи 850 минг уруғ беради. Уруғлари ариқ сувлари орқали тарқалади. Уруғининг унувчанлиги 5 йилгача сақланади. Беда ва суғориладиган дон экинларини ифлослайди, чопиқ қилинадиган экинлар орасида, узумзорларда, боғларда, турар жойлар яқинида, ариқ ёқаларида ўсади.

Кураш чоралари: апрелнинг биринчи ярмидан гуллагунгача экинлар ўтоқ қилинади; пичанга экилган беда эрта муддатларда, бегона ўт мевалари етилгунча ўрилади, ғалла экинларига гербицидлар пуркалади.