Shyuts

Шюц, Шюц Генрих (1585.14.10, Кёстриц, Гера яқинида — 1672.6.11, Дрезден) — немис композитори, органчи, педагог; миллий композиторлик мактаби асосчиси. Композициядан Г. Отто (Кассел) ва Венецияда Ж. Габриелидан сабоқ олган. Кассел, Дрезден, Копенгаген ва бошқалар шаҳарларда сарой капеллалари раҳбари (1614—57). Ижодида миллий мусиқа анъаналари билан италян хор полифонияси ҳамда гомофония услублари уйғунлашган. Илк немис операси ("Дафна", 1627) ва балет ("Орфей ва Эвридика", 1638) муаллифи. Мадригал, мотет, хор консерти, ария, диний кантата, оратория, пассион ва бошқаларнинг ёрқин намуналарини яратган. БадКёстрицада шаҳрининг мемориал музейи фаолият кўрсатмоқда.

Бу мақолада бошқа тил бўлимларига ишорат йўқ.
Сиз уларни топиб ва ушбу мақолага қўшиб, лойиҳага ёрдам беришингиз мумкин.

Ушбу мақолада Ўзбекистон миллий энсиклопедияси (2000-2005) маълумотларидан фойдаланилган.

Ушбу мақола çаладир. Сиз уни бойитиб, ЗиёСферага ёрдам бериşингиз мумкин.
Бу андозани аниқроғига алмаштириш керак.