Sillimanit

Силлиманит [америкалик олим Б. Силлиман (В. Силлиман; 1779—1864) номидан] — силикатлар синфига мансуб минерал. Юқори даражада метаморфиклашган лойсимон тоғ жинсларида учрайди ҳамда метаморфизм жараёнининг силлиманитли зонасини белгилайди. Кимёвий таркиби Ал2Си05 бўлиб, кианит ва андалузитларнинг юқори трали полиморф туридир. Ромб сингонияли кристаллари игнасимон бўлиб, толатола агрегатлар ҳолида учрайди. Ранги кулранг, оч қўнғир, оч яшил, шишадек ялтироқ. Толасимон агрегатлари рангсиз ва товланувчи; қаттиклиги 6,5 —7,5; зичлиги 3,27 г/см³. Юқори (1545°га яқин) трада муллит ва кремний (ИИ) оксид (СиО2)ра парчаланади. Алюминий оксид (А12О3) ли хом ашё бўлиб, ўтга ва кислоталарга чидамли чинни буюмлар, махсус изоляторлар, пўлат қуйиш учун тигел ва бошқа асбоблар тайёрлашда ишлатилади. С. Ўзбекистоннинг ғарбий ва жан. қисмларида жуда кенг тарқалган бўлиб, метаморфик сланецлар билан биргаликда учрайди. Чатқол — Қурама минтақасида нисбатан кам тарқалган. Ҳиндистонда С.нинг йирик конлари маълум.