Simit turk noni
| Тури | Кунжутли нон |
|---|---|
| Миллий ошхона | Турк ошхонаси |
| Асл номи | Деврек (Босния-Герсеговина, Сербия), кулоури (Греция), ковриг (Руминия), пирзола (Болгария), турк симити (Туркия) |
| Келиб чиқиши | Усмонлилар империяси |
| Асосий компонентлари | Хамир (ун,сув, хамиртуруш, туз) ўсимлик ёг'и, шакар, кунжут |
Симит — Измирда кунжут билан қопланган юмалоқ шаклдаги нонга берилган умумий номдир. У Яқин Шарқ ва Болқонда, жумладан Туркияда кенг истеъмол қилинади.
Этимологияси
Қадимда Истанбулга келаётган ёки Истанбулдан шарққа кетаётган карвонларнинг турар жойи сифатида танилган Измитда йўловчилар учун тайёрланган симитни фастфуднинг биринчи намуналаридан бири сифатида кўриш мумкин. Бу айлана шаклидаги таомнинг номи симит бўлиб қолган, чунки карвонларда юрган одамлар йўлда учраган одамларга симитларни „Симити“дан сотиб олганликларини айтишган.
Одатда ёлғиз истеъмол қилинадиган симитни нонуштада пишлоқ, чой ёки мураббо билан истеъмол қилиш мумкин. Бугунги кунда симитни замонавий новвойхоналар ва нон сотадиган дўконларда, шунингдек, кўча-кўйда савдогарлар аравачада тайёрлаб сотишлари мумкин.
Келиб чиқиши
Смит — Салжуқийлар ошхонасида енгил таом сифатида истеъмол қилинган. Симит тилга олинган энг қадимий архив манбаларида симит Истанбулда 1525-йилдан бери истеъмол қилингани ёзилади. 17-аср саёҳатчиси Эвлия Чалабий 1630-йилларда Истанбулда симит сотадиган 70 та корхона борлигини ёзган. Симит яратувчиларни Жан Бриндесининг 19-аср бошларига оид Истанбулдаги кундалик ҳаёт тасвирланган расмларида кўриш мумкин. Тарихда симит ва унинг турлари бутун Усмонлилар империясида машҳур таомга айланган.
Керакли маҳсулотлар
1. ун — 300 грамм;
2. хамиртуруш — 15 грамм;
3. шакар — 1 ош қошиқ;
4. ўсимлик ёғи — 2 ош қошиқ;
5. туз — 2 грамм;
6. асал — 1 ош қошиқ;
7. сув — хамир учун 130 мл, сироп учун 200 мл.
Тайёрланиш жараёни
1. Хамиртуруш, шакар, туз, илиқ сув ва унни аралаштириб, хамир тайёрланади.
2. Хамирни думалоқ шаклга келтириб, усти ёғланади.
3. Хамирни ёғ ичига сингдириб, эластик бўлгунича муштланади.
4. Устини сочиқ билан ёпиб, 30-40 дақиқа тиндиринг.
5. Сўнгра хамирни олиб, тўрт бўлакка бўлинади (кичикроқ қилишни истасангиз, 6 бўлакка бўлишингиз мумкин) ва яна 20 дақиқа кутилади.
6. Хамирни узунчоқ қилиб ўрама шаклга келтириб, икки томонини бирлаштирилади.
7. Сироп учун илиқ сувга асал аралаштирилади ва нонни аралашмага ботирилади.
8. Симитнинг икки томонини ҳам кунжут билан қопланади.
9. Газ листига пишириқ учун мўлжалланган қоғоз солинади ва симитлар териб чиқилади. 180 даражали қизиган духовкага 30-35 дақиқага қўйилади.