Skon
 |
Викилуғатда скон номли мақола мавжуд. |
Скон (инглизча: сcоне) — инглиз ширин пишириқларининг умумий номи. Сконлар одатда чой билан бирга берилади. Улар Англияда (айниқса, мамлакатнинг жануби-ғарбий қисмида), Шотландия ва Корнуоллда, шунингдек, Британиянинг кўплаб собиқ колонияларида оммалашган. Скон учун, одатда, буғдой уни ишлатилади, лекин, баъзида, бошқа ун, масалан, жўхори уни ишлатиш мумкин. Одатда, пишириқларга кўптирувчи кукун қўшилади. Ушбу пишириқлар Корнуол ёки Девоншир чойхўрлигининг ажралмас қисмидир.
Тарихи ва тавсифи
Дастлаб сконлар ўртача идишнинг ўғзидек ўлчамда юмалоқ ва ясси қилиб пиширилган. Улар хамиртурушсиз сули унидан тайёрланиб, товада пиширилган, кейин учбурчак бўлакларга бўлиниб, дастурхонга тортилган[1]. Бугунги кунда кўпчилик бунақа катта думалоқ нонни „обинон“ (инглизча: банноcк) ва унинг қисмларини — „скон“ деб атайди. Шотландияда иккала сўз ҳам ишлатилиши мумкин.
Кўптириш кукуни кенг тарқалгач, сконлар печда пиширила бошланди. Замонавий сконлар Британия ва Ирландиянинг кўплаб новвойхоналарида, озиқ-овқат дўконларида, ресторанларда ва супермаркетларда мавжуд, аммо аксар уй бекалари ҳали ҳам уларни уйда пиширишни афзал кўришади.
Дўконларда сотиладиган сконлар одатда юмалоқ шаклга эга, аммо олти бурчаклилари ҳам топилади[2]. Уй шароитида тайёрланган пишириқлар турли шаклларда бўлади[3] ва кўпинча, ноёб оилавий рецептлардан тайёрланади. Кўпинча, сконларга майиз қўшилади. Майиздан ташқари, бошқа талай қўшимчалардан фойдаланиш мумкин, аммо ичига нарса тўлдирилмаган скон классик ҳисобланади. Кўпчилик сконлар ўртача ширинликда ёки чучук бўлса-да, пиёз ёки бекон солинадиган ўткирроқ таъмли турлари ҳам бор.
Собиқ колонияларда
Австралия
Хамирга қайнатилган қовоқ пюресини қўшиб тайёрланган қовоқли сконлар Австралияда юқори мартабали сиёсатчининг рафиқаси Флоренс Белке-Петерсен[4] туфайли жуда оммалашиб кетган ва у ўзининг машҳур пазандалик китобига қовоқли пишириқлар рецептини киритган. Бундан ташқари, Австралияда майдаланган хурмо қоқиси ва товада қовурилган сконлар мавжуд. Қовурилган сконлар, одатда, совуқ ойларда тайёрланади. Улар „пуфталун“ деб аталади.
Янги Зеландия
Янги Зеландияда пишлоқли сконлар машҳур бўлиб, кўпинча, кафеларда берилади[5]. Бироқ Эдмондснинг машҳур пазандалик китобига кўра, бу мамлакатда скон тайёрлаш учун фақат ун, кўптириш кукуни, туз, сариёғ ва сут ишлатилади. Сконлар Янги Зеландияда машҳур бўлиб, кўпинча, „кивиана“ (Янги Зеландия маданий меросининг ҳазиломуз номи) қисми сифатида қабул қилинади.
Манбалар
- ↑ Скони с колбасой и сиром
- ↑ Фоод Ҳисторй. „"Тҳе Ҳисторй оф Сcонес"“ (эн) (2001-03-01. ретриэвед 2008-09-09.).
- ↑ Овсяниэ скони
- ↑ „Бест Сcоне Реcипе, Ҳоw То Маке Сcонес“ (эн). wеб.арчиве.орг (2016-йил 7-май). 2016-йил 7-майда асл нусхадан архивланган. Қаралди: 2020-йил 30-август.
- ↑ „Он тҳе ҳунт фор тҳе бест сcонес ин тоwн“ (эн). Стуфф (2013-йил 30-апрел). Қаралди: 2020-йил 30-сентябр.