Snaryadlar

Снарядлар, артиллерия снарядлари (рус. снаряд — асбоб) — тўплар, миномётлар, реактив артиллерия қуролларидан отишга мулжалланган ўқдори тури. С, асосан, тана (корпус), трассер (из қолдирувчи) ва портлатгичдан иборат; фаолреактив ва реактив С.да қаттиқ ёқилғили двигател ҳам бўлади; айрим артиллерия Сига стабилизатор (йўналишни тўғриловчи) ҳам қўйилади. Артиллерия Си калибрига кўра, кичик калибрли (20–76 мм), ўрта калибрли (76–152 мм) ва йирик калибрли (152 мм дан юқори) турларга, қўлланилишига кўра, асосий, махсус ва ёрдамчи гуруҳларга бўлинади. Асосий гуруҳсаги С.га фугасли, осколкали, фугасосколкали, кумулятив (портлаш таъсири бир йўналишда жамланган), зирҳтешар, бетонтешар С. киради. Улар душманнинг жонли кучлари, жанговар техникаси, мудофаа иншоотларини шикастлаш учун отилади. С.нинг махсус турлари (ёритувчи, тутун тарқатувчи ва актацион С.) жанговар вазифаларни бажаришни таъминлаш учун мулжалланган. С.нинг ёрдамчи гурухларидан эса полигонсинов ва ўк^в машқларида фойдаланилади. С.нинг ички қисми портловчи модда (заряд), фугас, фугасосколка, кумулятив, тутун ҳосил қилувчи моддалар ва бошқа билан тўлдирилади. С.нинг қуввати зарядининг тури ва массасига боғлиқбўлади. Қувват снаряднинг тўлалик коэффициенти (портловчи модда портлаш заряди массасининг тўлиқ зарядланган снаряд массасига нисбати) билан аникланади. Бу коэффициент фугасли С. учун 25%, фугасосколкали ва кумулятив С. учун 15%, зирҳтешар С. учун 2,5% гачани ташкил қилади. Осколкали С.нинг қуввати шикастловчи осколкаларнинг сони ва шикастлаш зонаси радиуси билан ҳам ифодаланади.