Sokol

Сокол (италянча: зоccоло) — 1) бино, иншоот деворининг, устун, ҳайкал ва бошқаларнинг пастки қалинлашган қисми; пойдеворяит давоми, яъни ер сиртидан чиқиб турадиган қисми. С. пишиқ ғишт, бетон ёки темир-бетон блоклардан ишланади. Бинога алоҳида кўрк бериш мақсадида гранит, мармар ва бошқа материаллар билан қопланади; 2) электротехника ва радиотехника д а — электрон ёки ион асбоблар — чўғланма лампалар, люминессент лампалар, электрон лампаларнинг пастки конструктив қисми. Лампани патрон, лампа панели (корпуси)га ўрнатиш ва лампа ичида жойлашган элементлар (чўғланма симлар, электродлар)ни ташқи электр занжирига улаш учун хизмат қилади.