Spiroxetalar

Спирохеталар (Спирочаэталос) -бактериялар тартиби. Ҳужайрасининг диаметри 0,2—10,0, уз. 5—500 мкм, спирал буралган протоплазматик силиндр ва унинг деворидан иборат. Сиртдан кўп қаватли қобиқ, яъни қин билан ўралган. Силиндр билан қин ўртасида битта ёки бир неча фибриллалар жойлашган. Фибриллалар силиндрнинг 2 учига бириккан, ўрта қисми эркин. Уларнинг таркиби ва тузилиши бактерияларнинг хивчинларига ўхшаш бўлганидан сузиш вазифасини бажариши мумкин. С. бўлиниш орқали кўпаяди. Грамманфий, спора ҳосил қилмайди; факултатив аэроб ёки анаэроб. 1 оиласи, 8 тартиби маълум. Кўпчилик турлари эркин яшовчи сапрофитлар; бир канча турлари моллюскалар ва термитларга комменсал ёки ҳайвонлар ва одамда паразитлик қилади (захм, лептоспироз ва бошқа касалликларни қўзғатади).