Ziyosfera

Stanislav Xajeyev

Станислав Галимович Хажеев (1941-йил 28-декабр, Челябинск вилояти, Каштак қишлоғи, ҳозирги Россиянинг Челябинск шаҳри таркибида) – совет, днестряни ҳарбий ва давлат арбоби. 1992-йил 8-сентябрдан 2012-йил 17-январгача Приднестровия Молдава Республикаси мудофаа вазири бўлиб ишлаган. 2012-йил 19-январдан Приднестровия Молдова Республикаси Қуролли Кучлари Бош Қўмондони ҳузурида бош ҳарбий инспектор бўлиб фаолият олиб борган. Генерал-полковник.

Станислав Хажеев
Таваллуди 1941-йил 28-декабр
Каштак қишлоғи, Челябинск вилояти, РСФСР, СССР
Хизматдаги йиллари 1963-йилдан
Унвони Генерал-полковник
Мукофотлари SU Order For Service to the Homeland in the Armed Forces of the USSR 1st class ribbon

Ҳаёти

Станислав Хажеев 1941-йил 28-декабрда Челябинск вилояти, Каштак қишлоғида ишчи оиласида таваллуд топган. Миллати – беларус.

Таълими

Свердловск Суворов ҳарбий мактабида таҳсил олган. 1963-йилда В. И. Ленин номидаги Тошкент олий қўшма қуролли қўшинлар қўмондонлик билим юртини тамомлаган. 1972-йилда эса М. В. Фрунзе номидаги Ҳарбий академияни тугатган.

Фаолияти

Хажеев Туркистон, Одесса, Трансбайкал ва Шимолий Кавказ ҳарбий округларида хизмат қилган. У ерда взвод командири, бўлинма бошлиғи каби лавозимларда ишлаган. Совет Иттифоқи маршали А. И. Эременко номидаги Оржоникидзе олий қўшма қурол қўмондонлик билим юрти бошлиғининг ўринбосари бўлган.

1983-йилдан 1986-йилгача Ветнамда армия корпуси ва ҳарбий округи штаб бошлиғининг маслаҳатчиси сифатида халқаро бурчини бажарган.

1992-йилнинг июл ойидан бошлаб Молдова Республикаси Приднестровия Қуролли Кучларида бўлим бошлиғининг ўринбосари, ПМР тинчликпарвар кучлари қўмондони лавозимларида фаолият олиб борган.

1992-йилнинг 8-сентябридан 2012-йилнинг 17-январигача Приднестровия Молдова Республикаси мудофаа вазири бўлиб ишлаган.

2012-йил 19-январда Приднестровия Молдова Республикаси Президентининг фармони билан ПМР Қуролли Кучлари Бош Қўмондони ҳузуридаги бош ҳарбий инспектор лавозимига тайинланган[1].

Европа Иттифоқи унинг ҳудудига киришини тақиқлаган[2].

Мукофотлари

  • Республика ордени (1995-йил 30-август) – Приднестровия Молдова Республикасини яратиш, ташкил этиш ва ривожлантиришга қўшган катта шахсий ҳиссаси учун ҳамда ташкил топганининг 5 йиллиги муносабати билан[3]
  • 1-даражали Суворов ордени (2012-йил 17-январ) – Приднестровия Молдавия Республикасининг мудофаа қобилиятини ҳимоя қилиш ва мустаҳкамлашдаги ажойиб хизматлари учун[4]
  • 2-даражали Суворов ордени
  • 2-даражали „Буюк хизматлари учун“ ордени (2006-йил 31-август) – Приднестровия Молдова Республикаси Қуролли Кучларининг жанговар тайёргарлигини мустаҳкамлаш ва оширишга қўшган шахсий ҳиссаси, фаол ҳукумат фаолияти, юқори касбий маҳорати ва Қуролли кучлари ташкил топганининг 15 йиллиги муносабати билан[5]
  • „Шахсий жасорати учун“ ордени (1997-йил 31-июл) – 1992-йил март-июл ойларида Молдова агрессиясидан Приднестровия Молдова Республикасининг озодлиги ва мустақиллигини ҳимоя қилишда кўрсатган шахсий жасорати, муаммоларни тинч йўл билан ҳал этишга қўшган катта шахсий ҳиссаси учун[6]
  • "Шон-шараф" ордени (2001-йил 27-декабр) – Приднестровия Молдава Республикаси Қуролли Кучларини яратишга қўшган катта шахсий ҳиссаси, уларнинг жанговар қобилиятини доимий равишда ошириш ва таваллудининг 60 йиллиги муносабати билан[7]
  • 1-даражали „Приднестровия Молдова Республикаси Қуролли Кучларида Ватанга хизматлари учун“ ордени (1996-йил 16-феврал) – қўл остидагиларга муваффақиятли қўмондонлик қилгани, хизмат фаолиятидаги юқори кўрсаткичлари ва ҳарбий бурчини бажаришда фидойилиги учун[8]
  • 2-даражали "Буюк хизматлари учун" медали (2007-йил 16-август) – Приднестровия Молдова Республикаси Қуролли Кучларининг жанговар тайёргарлигини мустаҳкамлаш ва оширишга қўшган шахсий ҳиссаси, хизмат фаолиятидаги юқори кўрсаткичлари ва яратилганлигининг 16 йиллиги муносабати билан[9]
  • 3-даражали "Буюк хизматлари учун" медали (2002-йил 24-октябр ) – Приднестровия Молдова Республикаси Қуролли Кучларининг мудофаа қобилияти ва жанговар тайёргарлигини мустаҳкамлагани, давлат органларидаги кўп йиллик виждонли меҳнати, юқори ташкилотчилик ва касбий қобилиятлари учун[10]
  • „Днестрянида тинчликпарвар операция иштирокчиси“ медали (2002-йил 29-июл) – тинчлик ўрнатиш ва сақлаш бўйича тадбирларни амалга оширишда тинчликпарвар кучларни фаол қўллаб-қувватлагани ва ёрдами учун ҳамда Тинчликни сақлаш операцияси бошланганининг 10 йиллиги муносабати билан[11]

Бошқа мамлакатларнинг мукофотлари

Манбалар

  1. ↑ „Указ Президента ПМР № 33 О назначении Главного военного инспектора при Главнокомандующем Вооруженными силами ПМР“. 2012-йил 21-январда асл нусхадан архивланган. Қаралди: 2012-йил 19-январ.
  2. ↑ „Список госслужащих ПМР, которым запрещен въезд в страны ЕС“. 2018-йил 21-октябрда асл нусхадан архивланган. Қаралди: 2009-йил 16-декабр.
  3. ↑ Указ Президента ПМР от 30 августа 1995 года № 283[сайт ишламайди]Андоза:Недоступная ссылка
  4. ↑ „Указ Президента ПМР от 17 января 2012 года № 24“. 2012-йил 21-январда асл нусхадан архивланган. Қаралди: 2012-йил 17-январ.
  5. ↑ Указ Президента ПМР от 31 августа 2006 года № 485[сайт ишламайди]
  6. ↑ Указ президента ПМР от 31 июля 1997 года № 407[сайт ишламайди]
  7. ↑ Указ Президента ПМР от 27 декабря 2001 года № 686[сайт ишламайди]
  8. ↑ Указ Президента ПМР от 16 февраля 1996 года № 46[сайт ишламайди]
  9. ↑ Указ Президента ПМР от 16 августа 2007 года № 541[сайт ишламайди]
  10. ↑ Указ Президента ПМР от 24 октября 2002 года № 635[сайт ишламайди]
  11. ↑ Указ Президента ПМР от 29 июля 2002 года № 460[сайт ишламайди]

Ҳаволалар

"https://new.ziyosfera.uz/ziyo/19914441" dan olindi