Stavropol

Ставропол (1935-1943-йилларда Ворошиловск) — Россия Федерацияси Ставропол ўлкасидаги шаҳар (1785-йилдан), ўлка маркази. Ставропол қирларида жойлашган. Темир йўл стансияси. Автомобил йўллари тугуни. Аҳолиси 344,2 минг киши (1998). С. 1777-йилда Россия ҳудудларини жан. томон кенгайтириш учун истеҳком сифатида бунёд этилган. 1822-йилдан Кавказ вилояти, 1847-йилдан Ставропол губернясининг маркази. Шимолий Кавказнинг йирик саноат ва маданият марказларидан бири. Машинасозлик ва металлсозлик (станок, асбоб, автомобил кранлари, автоприцеплар, электр аппаратура ва бошқа ишлаб чиқарилади), кимё (техника углероди, кимё реактивлари ва люминофорлар заводлари), енгил (кўнпоябзал ва тикувчилик), мебел саноатлари корхоналари бор. Қурилиш материаллари, полифафия ктлари ишлаб турибди. 5 олий ўқув юрти (политехника, қишлоқ хўжалиги., тиббиёт, педагогика интлари, Москва кооператив институтининг филиали), бир қанча ўрта махсус билим юрти, 2 театр (драма ва қўғирчоқ театрлари), 3 музей фаолият кўрсатади. Бир қанча илмий тадқиқот интлари мавжуд.