Stepan Atoyan

Степан Атоян
Шахсий маълумот
Тўлиқ исми	Степан Меликович Атоян
Таваллуд санаси	1966-йил 13-июл (60 ёш)
Таваллуд жойи	Боку, Озарбайжон ССР, СССР
Бўйи	173 cм (5 фт 8 ин)
Амплуаси	Ярим ҳимоячи
Ёшлигида аъзо бўлган клублар
1976–1984	Нефтчи (Боку)
Профессионал фаолияти*
Йиллар	Жамоа
1989-1991	Кöпетдаг Аşгабат
1991	Сўғдиёна
1992	Темирйўлчи
1993—1995	Нефтчи (Фарғона)
1995—1996	Проодефтики
1996	→ Провитан
1996—1997	Нефтчи (Фарғона)
1997—1999	Проодефтики
1999—2000	→ Халкидона
2000	Атромитос
Миллий терма жамоа
1995—1996	Ўзбекистон
Бошқарган клублари
2001—2002	Академия (У-13 дан У-19 гача)
2003—2004	Копа Ренти
2004—2005	Фостирас
2011—2012	Калитея
2012—2013	Проодефтики
	*Профессионал клублардаги голлари (ички чемпионат)

Степан Меликович Атоян (арманча: Աթոյան Ստեփան; 1966-йил 13-июлда Бокуда туғилган) — совет, ўзбек ва юнон футболчиси. Ҳозир мураббий сифатида фаолият юритади.

Фаолияти

Клубларда

Бокунинг „Нефтчи“ жамоаси тарбияланувчиси ҳисобланади. 1989-йилдан 1991-йилгача Ашхободнинг „Копетдоғ“ жамоасида ўйнаб, 93 та ўйин ўтказиб, 6 та гол урган. 1991-йил ўрталарида Жиззахнинг "Сўғдиёна" клубига кўчиб ўтган ва ярим мавсум шу клубда ўйнаган.

СССР парчаланганидан сўнг мустақил Ўзбекистонда қолди ва 1992-йил бошида Қўқоннинг „Темирйўлчи“ жамоаси билан шартнома имзолади ва бу жамоада бир мавсумда 25 та ўйинда майдонга тушиб, 3 та гол урган. 1993-йилги мавсум бошида Фарғонанинг „Нефтчи“ жамоасига ўтиб, 1995-йилнинг ўрталарига қадар ушбу жамоада ўйнаган. Бу вақт ичида жамоа етакчиларидан бирига айланди ва ушбу мавсумларда 73 та учрашувда майдонга тушиб, 14 та гол уришга эришди. 1995-йил ўрталарида Грециянинг „Проодефтики“ жамоасига ўтди ва бир ярим мавсум шу клубда ўйнади.[2] 1996-йилда бир мунча вақт Грециянинг бошқа „Провитан“ клуби аъзоси бўлган. 1996-йил ўрталарида Фарғонанинг "Нефтчи" жамоасига қайтди ва 1997-йилнинг ўрталарига қадар бу жамоада 40 та ўйин ўтказиб, 20 та гол урган^[1]. 1997-йил ўрталарида яна „Проодефтики“ жамоасига ўтган ва 1999-йил ўрталарига қадар ушбу Греция клубида ўйнаган. 1999-йил ўрталаридан 2000-йил охиригача Греция клубларида ўйнаган: „Халкидона“ ва „Атромитос“, у ерда футболчи сифатида профессионал фаолиятини якунлаган.

Терма жамоада

1995—1996-йилларда Ўзбекистон терма жамоасида ўйнаган. Атоян миллий терма жамоадаги дебют ўйинини 1995-йил 18-июлда Малайзиянинг „Мердека“ кубогида Венгрия терма жамоасига қарши ўтказган. Степан Атоян Ўзбекистон миллий терма жамоаси сафида жами 9 та ўйин ўтказган бўлса, шулардан учтасини 1996-йили БААда бўлиб ўтган Осиё Кубогида ўтказган.^[2]

Мураббий сифатида

Футболчилик фаолиятини якунлаганидан сўнг, Атоян Грецияда қолиб, мураббийлик фаолиятини бошлаган. ОФКнинг мураббийлик дипломи, Б тоифали мураббийлик дипломи ва УЭФА лицензиясини олган. Греция футбол академиясида мураббийлик фаолиятини бошлаган ва 13 ёшдан 19 ёшгача бўлган болалар, ўсмирлар ва ёшлар жамоаларига устозлик қилган. Кейинчалик турли лигаларда ўйнайдиган турли Греция клубларига мураббийлик қилган.

Ютуқлари

Жамоавий

„Темирйўлчи“

Ўзбекистон Кубоги финалчиси: 1992

„Нефтчи“ (Фарғона)

Ўзбекистон чемпиони: 1993, 1994, 1995
Ўзбекистон чемпионати кумуш медали совриндори: 1996
Ўзбекистон кубоги соҳиби: 1994, 1996

Шахсий

Ўзбекистонда йилнинг энг яхши футболчиси номинациясида учинчи ўрин: 1993

Манбалар

↑ „Статистика греческой лиги 1998/1999“. 5-октабр 2018-йилда асл нусхадан архивланган. Қаралди: 7-август 2015-йил.
↑ „Статистика Кубка Азии 1996“. 4-март 2016-йилда асл нусхадан архивланган. Қаралди: 7-август 2015-йил.

Ҳаволалар

Степан Атоян Натионал-Фоотбалл-Теамс.cом сайтида
Оффиcиал Фаcебоок Профиле

[1] „Статистика греческой лиги 1998/1999“. 5-октабр 2018-йилда асл нусхадан архивланган. Қаралди: 7-август 2015-йил.

[2] „Статистика Кубка Азии 1996“. 4-март 2016-йилда асл нусхадан архивланган. Қаралди: 7-август 2015-йил.

[1]

[2]