Stolbur

Столбур — итузумдошлар оиласига мансуб ўсимликлар ва айрим бегона ўтларда учрайдиган вирусли касаллик. Ўзбекистонда С. билан кўпроқ помидор, баклажон, ширин қалампир, картошка экинлари касалланади. Касалликка чалинган ўсимликларнинг новдалари учидаги барглари оқаради, буралиб, ўсишдан орқада қолади, гул оталиклари қурийди, оналиклари ривожланмайди, меваси қаттиқлашади, бемаза, қисман оқиш этли бўлиб қолади. С.ни қўйпечак, бангидевона, итузум ва бошқа ўтлар илдизларида қишлаб чиқадиган сикада личинкалари тарқатади. Кураш чоралари: бегона ўтларни йўқотиш ва сикадаларга қарши кураш; кўчатларни мақбул муддатларда ва қалинроқ экиш; қатор ораларини мулчалаш, С.га чидамли навларни экиш ва бошқа