Stop-Zemlya
Стоп-Земля (украинча: Стоп-Земля; таржимаси: Тўхта Ер) — 2021-йилда украиналик Катерина Горностай режиссёрлиги ва ссенарийси асосида суратга олинган, Мария Федорченко, Арсений Марков, Яна Исаиэнко ва Олександр Ивановлар иштирокидаги романтик ва драматик филм. Ушбу бадиий филмда ўсмирларнинг вояга етишдаги можаролар тасвирланган.[1] Тасвирланган воқеаларнинг барчаси тўқима, аммо ижодий жамоа уларни импровизация сифатида тасвирлашга ҳаракат қилган. Ссенарий ёзилаётганда қаҳрамонлар бир қатор характерларга эга эди, аммо актёрлар топилгандан кейин улар ўзига хос хусусиятларга эга бўлишди. Филм биринчи марта 2021-йил 3-майда Берлин халқаро кинофестивалида[2] премера қилинган ва 14 ёшдан юқори томошабинлар учун энг яхши филм танловида "Биллур айиқ " мукофотини олган.[3] Филм танқидчиларнинг ижобий баҳоларини олади. Кейинчалик филм 2021-йил 19-августда 12-Одесса халқаро кинофестивалида (ОИФФ) пайдо бўлди, у ерда филм фестивалнинг бош мукофоти — Гран-прини олди.[4] Шунингдек, Катерина Горностай „Энг яхши тўлиқ метражли филм“ номинациясида Дюк ғолиби бўлди.
Филм режиссёри Катерина Горностай тақдимоти пайтида „Тўхта Ер“ номи филм муваффақияти учун муҳим эканлигини ва жамоа бўлажак филмни ифодалаш учун инглиз тилига яхши таржима топиш устида иш олиб борганини айтган. Катерина бир йил давомида талабалар синфини ўйнаш учун ҳақиқий қаҳрамон одамларни қидирди ва кейин танланган талабалар гуруҳига актёрлик маҳоратини ўргатди.
Сюжети
16 ёшли Маша Киэвдаги оддий ўрта мактабда ўқийди. Унинг яқин дўстлари Яна ва Сения қизғин мактаб кунларида ўзига хос тарзда яшаб, уни гуруҳда бегоналашиб, ажралиб қолмасликка ёрдам беришади. Келажакдаги имтиҳонлардан тайёрланиш мобайнида Маша синфдоши Сашани севиб, ўзининг конфор зонасини тарк этишга мажбур бўлади. У тушунадики, агар у сўрашга жур’ат этмаса, йигитга бўлган севгиси ҳақиқий ёки ёлғон эканлигини ҳеч қачон била олмайди.
Ролларда
- Мария Федорченко Маша Черних ролида
- Арсений Марков Сения Стешенко ролида
- Яна Исаиэнко Яна Братийчук ролида
- Олександр Иванов Саша Ханский ролида
- Андрий Абалмазов Андри Климишин ролида
- Рубин Абухатаб Рубин Журавлов ролида
Тақдимот
Немис компанияси Плуто Филм 2021-йил феврал ойида Тўхта Ер филмининг халқаро дистрибюторлик ҳуқуқини қўлга киритди.[5] Алтеред Инноcенcе филмнинг Америка бўйлаб дистрибюторлик ҳуқуқини 2021-йил март ойида сотиб олди.[6] Украинанинг Артҳоусе Траффиc бунгача филмнинг Украинада дистрибюторлигини сотиб олган эди.[7]
2021-йил 1-мартда филм 71-Берлин халқаро кинофестивалининг (Берлинале номи билан машҳур) 14 ёшдан юқори томошабинлар учун танловида онлайн рақамли кўрсатилади. Филм Берлиналенинг ҳақиқий кинотеатрларида 2021-йил 9-июн куни тақдим этилди.
2021-йил 4-ноябрда филм Украинадаги чекланган кинотеатрларда намойиш этилди.
Касса
Филмнинг бюджети 25.72 миллион гривнани, тахминан 829 000 еврони ташкил этади.[8] Аслида филм учун маблағнинг 92 фоизи Украина давлат кино агентлиги ҳомийлиги ҳисобидан, қолган бюджет маблағлари шериклик ҳисобидан қопланган. У бутун дунё бўйлаб жами 143 434 доллар йиғди.
Манбалар
- ↑ „Ревиэw: Стоп-Землиа“ (эн). Cинеуропа - тҳе бест оф эуропеан cинема. Қаралди: 2022-йил 24-феврал.
- ↑ „Стоп-Землиа“ (эн). www.берлинале.де. Қаралди: 2022-йил 24-феврал.
- ↑ „Аwард-wиннинг Филмс фор а Ёунг Аудиэнcе ас Парт оф тҳе Берлинале Суммер Спеcиал“ (эн). www.берлинале.де. Қаралди: 2022-йил 25-феврал.
- ↑ „Тҳе суммарй оф тҳе 12тҳ Одеса Интернатионал Филм Фестивал ҳас беэн анноунcед | Неwс“ (эн). оифф.cом.уа. Қаралди: 2022-йил 25-феврал.
- ↑ „Неw Аcқуиситион СТОП - ЗЕМЛИА Премиэрес ат Берлинале | ПлутоФилм.де“ (эн). www.плутофилм.де (2021-йил 11-феврал). Қаралди: 2022-йил 25-феврал.
- ↑ „Стоп-Землиа“ (эн). Алтеред Инноcенcе. Қаралди: 2022-йил 25-феврал.
- ↑ „СТОП-ЗЕМЛЯ – Артҳоусе Траффиc“. артҳоусетраффиc.cом. Қаралди: 2022-йил 25-феврал.
- ↑ „Фильм Стоп-Земля 2021 - Кино-театр.уа“. кино-театр.уа. Қаралди: 2022-йил 25-феврал.