Surapati

Сурапати (Сурапати) (? 1706) - Индонезия миллий қаҳрамони, Ява о.да голланд мустамлакачиларига карши ҳаракат раҳбари (17-асрнинг 80й.лари — 18-асрнинг бошлари). Жакартадаги бир голланд савдогарининг қули бўлган. Ғарбий Явага қочиб, голландларга қарши курашаётган партизан отрядларидан бирининг командири бўлган, кейинчалик, Голландия ОстИндия компаниясида хизмат қилган. Голланд офицерларининг таҳқирига чидамай, ўрмонга қочган. Матарам султони хизматига кирган (1685) ва пойтахт Картасургага уни қўлга тушириш учун келган голланд отряди устидан ғалаба қозонган. Шундан кейин Шарқий Явада мустақил давлат тузган. 1705-йилда голландларга карши урушда иштирок этган. 1706-йил қаттиқ яраланиб, вафот этган. Бангил қалъасини мудофаа қилишда С.нинг ўғиллари голландларга карши курашганлар (1719-йилгача). Давлат барҳам топгач, С. авлодлари Шарқий Явада 18-асрнинг 60й.ларигача партизанлик курашини давом эттиришган.