Sutra (parda)
Сутра (سترة (араб тили) сўзма-сўз: “тўсиқ, парда”) — бу намоз ўқиётган шахс билан унинг олдидан ўтиб кетувчи киши ўртасида тўсиқ вазифасини бажарадиган предметдир[1][2][3][4]. Намоз ўқиётган киши сутрага уч тирсак (билак) узунлигидан ошмаган масофада туриши лозим. Сутранинг баландлиги камида бир тирсак узунлигидан (я’ни туя эгарлигининг орқа қисми баландлигига тенг) кам бўлмаслиги керак[5], унинг кенглиги эса аниқ белгилаб қўйилмаган. Сутра топилмаган ҳолатлар бундан мустасно, сутра қўйиш намоз ўқиётган ҳар бир киши учун вожиб ҳисобланади[6].
Ба’зан ташқи томондан қаралганда гўё намоз ўқиётган киши олдидаги предметга ибодат қилаётгандек туюлиши мумкин, бироқ бу шарт эмас. Сутра ўрнига деворга қараб туриш ёки қўл билан йўлни тўсиш ҳам мумкин. Шунингдек, намоз ўқиётган киши билан унинг сутраси орасидан ўтиш, ёки сутраси бўлмаган кишига уч тирсак масофадан яқин ўтиш ман этилади (чунки уч тирсак масофа — сутрадан узоқлашишнинг максимал чегарасидир)[7][8]. Бироқ жамоат билан ўқиладиган намоз сафалари орасидан ўтишга рухсат берилади.
Сутра билан боғлиқ ҳадислар
Саҳл ибн Абу Ҳатҳма ривоят қилади: رواه سهل بن أبو هاثماه Пайғамбар айтдилар: “Сизлардан бирингиз сутрага қараб намоз ўқиса, унга яқин турсин ва Шайтон унинг намозини бузишига йўл қўймасин”[9].
Абу Са’ид ал-Худрий ривоят қилади: رواه أبو سعيد الخدري Пайғамбар айтдилар: “Сизлардан бирингиз сутрага қараб намоз ўқиса, унга яқин турсин ва ҳеч кимни унинг олдидан ўтишига йўл қўймасин.”
Аллоҳнинг Расули дедилар: لا تصل إلا إلى سترة، ولا تدع أحداً يمر بين يديك، فإن أبى فلتقاتله؛ فإن معه القرين “Фақат сутрага қараб намоз ўқи ва намоз пайтида олдингдан ҳеч кимни ўтказма. Агар у барибир ўтмоқчи бўлса, уни қайтар, чунки у билан бирга шайтон бордир”[10].
Кўплаб Ҳадисларда сутра олиш мустаҳкам суннат экани зикр қилинган. Масалан, Абдурраҳмон ибн Абу Са’ид отасидан ривоят қилади: “Аллоҳнинг Расули (с.а.в) айтдилар: ‘Сизлардан бирингиз намоз ўқиса, сутрага қараб ўқисин, унга яқин турсин ва ҳеч кимни олдидан ўтказмасин. Агар кимдир олдидан ўтмоқчи бўлса, уни қайтарсин, чунки у шайтондир”[11].
Сутра ҳақидаги фиқҳий ҳукмлар
Ҳанафи мазҳабига кўра, агар киши сутрасиз намоз ўқиётган бўлса ва унинг олдидан кимдир ўтиб кеца, бу ҳолат намозни бузмайди[12].
Шунингдек қаранг
Манбалар
- ↑ Букҳари, Боок 2, Волуме 15, Ҳадитҳ 89, 90: Тҳе Тwо Фестивалс (Эидс)
- ↑ Букҳари, Боок 1, Волуме 8, Ҳадитҳ 373, 422: Праерс
- ↑ Букҳари, Боок 1, Волуме 4, Ҳадитҳ 187: Аблутионс
- ↑ Саҳиҳ Муслим, Боок 4, Ҳадитҳ 1011: Тҳе Боок оф Праерс
- ↑ Муслим, Боок 4, Ҳадитҳ 1008, 1009: Тҳе Боок оф Праерс
- ↑ Букҳари, Боок 1, Волуме 9, Ҳадитҳ 485: Виртуэс оф тҳе Праер Ҳалл (Сутра оф тҳе Мусалла)
- ↑ Букҳари, Боок 1, Волуме 9, Ҳадитҳ 488, 489: Виртуэс оф тҳе Праер Ҳалл (Сутра оф тҳе Мусалла)
- ↑ Муслим, Боок 4, Ҳадитҳ 1023: Тҳе Боок оф Праерс
- ↑ Сунан Абу Даwуд :: Боок 2 : Ҳадитҳ 695
- ↑ Саҳиҳ Ибн Кҳузаимаҳ, Чаптер: Салат, Ҳадитҳ Но. 793
- ↑ [[1](ҳттпс://суннаҳ.cом/ибнмажаҳ/5/152) Сунан Ибн Мажаҳ]
- ↑ Ал Мабсут Вол. 1, паге 191