Tadeusz Reichstein

Тадеусз Реичстеин (20-июл 1897, Влоцлавск, Полша – 1-август 1996, Базел, Швейсария) — швейсариялик органик кимёгар. Лондон қироллик жамияти аъзоси. Швейсариядаги Федерал политехника мактабини тугатган (1920). Базел университети қошидаги Фармацевтика институти директори ва фармацевтик кимё профессор (1938-йилдан). 1933-йилда витамин С (аскорбин кислотаси)ни синтез қилган. Илмий изланишлари гормонлар биокимёси, гетероциклик моддалар, қанд, витаминлар (аскорбин ва пантотенат кислоталар), стероидлар, буйрак усти бези гормонларининг кимёвий тузилиши ва биологик хоссаларини ўрганишга оид. Нобел мукофоти лауреати (1950, Ф. Ш. Хенч ва Э. К. Кендалл билан ҳамкорликда).