Talimarjon shahri

Талимаржон шаҳри — Қашқадарё вилояти Нишон туманидаги шаҳар. У Қарши чўлини ўзлаштириш мақсадида Қарши магистрал канали ҳамда Талимаржон сув омбори эвазига қурилган шаҳар бўлиб, 1975 — йил 14-апрелда Талимаржон „шаҳар“ мақомини олган. Ер майдони — 272 км.кв. аҳоли сони 11,7 мингдан ортиқ (2021). Шундан 10668 нафарини ўзбеклар, 707 нафарини тожиклар, 59 нафарини руслар, 191 нафарини туркманлар, 40 нафарини татарлар ва 35 нафарини бошқа миллатлар ташкил қилади. 1963-йилдан 1969-йилгача кенг кўламдаги кўп қаватли ва хонадонлар қурилган бўлиб, 1975-йилга қадар аҳоли асосий қурилиш, таъмирлаш, каналдан сув чиқариш ишларини амалга оширган ва Талимаржон сув омбори барпо этилган. Талимаржон сув омбори Қашқадарё чўлини ўзлаштириш мақсадида Амударёдан 156 метр баландликдаги омборга сув етказади. У ерда 7 та насос стансияси бўлиб ҳар бир насос стансиясида 7 тагача Ўзбекистон ҳудудидаги энг катта ва йирик насослар жойлаштирилган. Ҳар бир насос 1 секундда 40 куб сув ҳайдаш қувватига эга. Бу жуда катта ҳажм бўлиб, улар Қашқадарёни 7 та туманини ва Бухорони битта туманини суғориш ва сув билан таъминлаш учун фойдаланилади ва шу чўлни ўзлаштирилишда Қашқадарё каналлари асосий қон томир вазифасини бажаради.

Талимаржонда 4 та маҳалла фуқаролар йиғини — „Дўстлик“, „Тинчлик“, „Оби-ҳаёт“ ва „Обод“ маҳаллалари фаолият олиб боради. Бундан ташқари, у 3 та мактаб (4-умумий ўрта таълим мактаби 640 ўринли (1095 нафар ўқувчи), 34-умумий ўрта таълим мактаби 216 ўринли (526 нафар ўқувчи), 39-умумий ўрта таълим мактаби (260 нафар ўқувчи); 1 та ихтисослаштирилган мактаб (13-сонли "Болалар мусиқа ва санъат мактаби); 3 та мактабгача таълим муассасаси (19-МТМ 140 ўринли 9150 нафар тарбияланувчи, 20-МТМ 280-ўринли (275 нафар тарбияланувчи, Давлат хусусий шерикчилигидаги МТМ; 1 та шифохона (Талимаржон шифохонаси); 4 та дорихона (1 та ижтимоий, 3 та хусусий); 1 та болалар ва ўсмирлар спорт мактаби; 4 та Хусусий ва уй-жой мулкдорлар ширкати; 1 та масжид; 2 та қабристондан ташкил топган.

Ҳаволалар

ҳттпс://қашқадарё.уз/оз/нвиэw/талимаржон-обод-шаҳарга-айланади-21-04 (Wайбаcк Мачине сайтида 2023-04-05 санасида архивланган) ҳттпс://юз.уз/уз/неwс/талимаржон-янада-обод-гошага-айланди