Tanob

Таноб (араб. — чилвир, арқон) — 1) Ўрта Осиё, хусусан, Ўзбекистон ҳудудида қўлланган узунлик ўлчов бирлиги. ХВИИ асрда қиймати 39,9 м га тенг бўлган; 2) Ўрта Осиё хонликларида томонлари 60 газ дан иборат бўлган майдонга тенг, яъни экин майдонини ўлчаш учун қўлланган юза бирлиги. 1 Т. 60х60 кв. газ =3600 кв. газ =0,08194 га=900 кв. м (1 га=12 таноб); 3) узунлик ўлчаш, ер ўлчаш, чизиқ тортиш ва шу каби да ишлатиладиган узун чилвир, режа ип, узун аркрн; 4) нақшга шакл берувчи ва нақш мужассамотининг асосини ташкил этувчи чизиқ; табиатдаги анҳор ҳамда йўлнинг шартли тасвири. Нақш мужассамотида Т. турлича кўринишга эга: узлуксиз давом этиши, баъзан 2 нуқтадан бошланиб, бир-бирига қараб йўналиши ва бир-бирига чирмашиб кетиши, баъзан бир нуқтадан бошланиб, 2 томонга йўналиши ва тақсим четига бориб тугалланиши мумкин. Нақш мужассамотида Т. 2 та бўлса, улар ҳар хил рангга бўялади, бири бош Т., бошкаси ёрдамчи Т. ҳисобланади. Т. 2 та паратлел чизикдан тузилса, "куш Т." деб аталади. Накш мужассамотида Т. биринчи ўринда туради, шунинг учун иш аввало Т.ни чизиб олишдан бошланади, сўнг новдалар, новдалар йўналишига мослаб гул, барг, куртаклар шундай жойлаштириладики, улар ҳеч қачон Т.нинг устидан кесиб ўтмаслиги керак. Т. шунингдек, замин рангларини хам бир-биридан ажратиб туради.