Taras Petrinenko
Тарас Петриненко (украинча: Тара́с Гарина́льдович Петрине́нко, 1953-йил 10-мартда туғилган) – украиналик мусиқачи, Украина халқ артисти.
Тарас Петриненко | |
|---|---|
 | |
| Таваллуди |
Тарас Ҳарйналдовйч Петрйненко 1953-йил 10-март |
| Жанрлар | Поп мусиқаси |
| Касби | Вокалчи, мусиқачи, аранжировкачи |
| Фаолият йиллари | 1969–ҳ. в. |
Биографияси
1969-йил Николай Лисенко номидаги мусиқа мактаби ўқувчиларидан ташкил топган Эней гуруҳининг рақс майдончасида чиқиши билан мусиқий фаолияти бошланган. 1970-йилда гуруҳ телевидениеда дебют қилган ва деярли икки йил давомида Украина рок мусиқасининг сўзсиз етакчиси бўлган.
1971-йилда Тарас янги Дзвони гуруҳини ташкил этган, гуруҳ 1974-йилда оммавий равишда тақиқланган Эней билан бирлашган.
Армияда хизмат қилгандан сўнг, Петриненко машҳур Мрия гуруҳининг раҳбари бўлган, лекин уларга ўз қўшиқларини ижро этиш тақиқланганидан сўнг, Чаривни гитари гуруҳи билан Россияга ўтган. 1982-йилдан Петриненко украиналик мусиқачилардан иборат Червони маки ансамбли билан Тула шаҳрида ўзининг биринчи рус тилидаги: „След погасшей звезди“, „Перелётная птица“, „Однажди утром“, „Я скоро вернус“ каби хитларини ёзган лекин қисқа вақтдан кейин Украинага қайтиб кетган.
1991-йилда Петриненко „Господи, помилуй нас“ Аудио Украина албомига қўшиқлар ёзишни бошлаган, аммо албом икки йил ўтиб якунланган. Бунинг сабаби Гроно гуруҳининг парчаланиши бўлган, чунки ҳамроҳ мусиқачилар шунчаки чет эл гастролларидан қайтмаганлар. Аммо бу албомнинг сифатига таъсир қилмаган ва 1993-йил натижаларига кўра Украинада етакчига айланган.
1995-йилда Тарас бир мунча вақт марказий телевизион Колискова для дорослих дастурини олиб борган. 1997-йил ёзида „Тавриа ўйинлари – ВИ“ да Петриненко мусиқий ва оммавий шоу „Золота Жар-птиця“ да „Тирик афсона“ номинацияси бўйича Бутунукраина мукофотига сазовор бўлган.
Йил охирида Нова Реcордс компанияси Петриненко Любов моянинг учинчи яккахон албомини чиқарган. 1999-йилда миллий маданият ва санъат ривожига қўшган улкан ҳиссаси ва шахсий ютуқлари учун Киевшина концерт-ижодий ташкилотларининг яккахон вокалисти Тарас Петриненко Украина халқ артисти унвонига сазовор бўлган.
2003-йилда „Атлантиc“ бренди Тарас Петриненкони рок мусиқачилари гуруҳига киритган ва унинг қўшиқлари тўпламини Украинанинг Рок афсоналари серияси ўлароқ чиқарган.
2004-йил кузида Тарас Апелсин инқилобида фаол иштирок этган. Киевдаги Мустақиллик майдонида қўшиқлар куйлаган. 2013—2014-йилларда Тарас Петриненко Қадр-қиммат инқилобида фаол иштирок этиб, бу ерда кўп маротаба ўз қўшиқларини куйлаб берган.
Манбалар
Ҳаволалар
- Тарас Петриненко билан суҳбат (Wайбаcк Мачине сайтида 2007-12-11 санасида архивланган) (украинча)
- Унинг асарлари рўйхати ва қисқача таржимаи ҳоли (украинча)
- Нова Реcордснинг Любов моя албомидан матн (украинча)
- Киэв Гордон булварида у ҳақида фотосуратлар билан мақола (русча)
- Баъзи фотосуратлар ва қисқача таржимаи ҳоли бўлган бошқа сайт (украинча)