Termik qarshilik

Термик қаршилик, иссиқлик қаршилиги — жисм (унинг сирти ёки қатлами)нинг молекулаларнинг иссиқлик ҳаракати тарқалишига тўсқинлик қилиш хусусияти. Тўлиқ, сиртқи ва қатлам Термик қаршиликлари фарқланади. Тўлиқ Термик қаршилик — бир жисм (сирт, қатлам) дан иккинчисига иссиқлик узатиш коэффициентига тескари миқдор, сиртқи Термик қаршилик — бир жисм сирти билан иккинчи жисм сирти орасида иссиқлик алмашиниш коэффициентига тескари миқдор, қатлам Термик қаршилиги — шу қатлам қалинлигининг унинг иссиқлик ўтказиш коэффициентига нисбатига тенг миқдор. Мураккаб тизим (мас., кўп қатламли иссиқлик изоляцияси) Термик қаршиликги унинг алоҳида алоҳида қисмлари Термик қаршиликлари йиғиндисига тенг. Термик қаршилик сон жиҳатдан иссиқлик оқими бирлиги (1Вт/м2) ни жисм сиртига ёки модда қатлами орқали узатиш учун зарур температура босимига тенг. У м2К/Вт орқали ифодаланади. Термик қаршилик ни билиш иссиқлик техникаси, қурилишда, биноларни иситиш ва бошқа соҳаларда жуда муҳим (қаранг Иссиқлик алмашиниши, Иссиқлик ўтказувчанлик, Иссиқлик ҳаракати).