Тҳе Wинд Рисес
| Шамол кўтарилади | |
|---|---|
| 風立ちぬ (Казе Тачину, Тҳе Wинд Ҳас Рисен) | |
|
Файл:Казе Тачину постер.жпг Филм постери | |
| Режиссёр(лар) | Ҳаяо Миязаки |
| Продюсер(лар) | Тошио Сузуки |
| Ссенарий муаллиф(лар)и |
Ҳаяо Миязаки |
| Қайси асарга асосланган |
Казе Тачину (Шамол кўтарилади) — Ҳаяо Миязаки асари |
| Ролларда | Ҳидеаки Анно, Миори Такимото, Ҳидетоши Нишижима, Масаҳико Нишимура, Морио Казама, Кеико Такешита, Мираи Шида, Жун Кунимура, Шинобу Отаке, Номура Мансаи |
| Бастакор(лар) | Жоэ Ҳисаиши |
| Оператор(лар) | Ацуши Окуи |
| Монтажёр(лар) | Такеши Сеяма |
| Студия | Студио Гҳибли |
| Дистрибютор | Тоҳо |
| Премера санаси |
20 июл 2013 (Япония) |
| Давомийлик | 126 дақиқа[1] |
| Мамлакат |
 Япония |
| Тил | япон тили |
| Бюджет | АҚШ$30 миллион[2] |
| Даромад | АҚШ$136,5 миллион[3][4] |
Тҳе Wинд Рисес (японча: : 風立ちぬ, Казе Тачину) – 2013-йилда яратилган япон анимацион тарихий драма филми бўлиб, уни Ҳаяо Миязаки ёзган ва режиссёрлик қилган. Филм Студио Гҳибли томонидан ишлаб чиқилган, Тоҳо компанияси эса тарқатган. Унга Ҳидеаки Анно, Миори Такимото, Ҳидетоши Нишижима, Масаҳико Нишимура, Морио Казама, Кеико Такешита, Мираи Шида, Жун Кунимура, Шинобу Отаке ва Номура Мансаи овоз берган.
Ҳикоя Япониянинг аэрокосмик муҳандиси Жиро Ҳорикоши ҳаётига бағишланган бўлиб, унда қаҳрамоннинг 1923-йилда Токио университетидаги талабалик давридан тортиб, 1935-йил 4-февралдаги Мицубиши Ка-14 самолётининг илк синов парвозигача бўлган муҳандислик фаолияти тасвирланади[5]. Тарихий воқеалар билан бир қаторда филмда Ҳорикошининг бадиий талқиндаги романтик муҳаббати ҳам акс этган. Бунда ёзувчи Тацуо Ҳорининг ярим автобиографик асари Тҳе Wинд Ҳас Рисендан илҳомланган[6][7]. Ушбу филм дастлаб Ҳаяо Миязакининг сўнгги тўлиқ метражли асари бўлиши режалаштирилган эди, бироқ у кейинчалик бу қарорини ўзгартириб, Тҳе Бой анд тҳе Ҳерон филмини ҳам суратга олган[8][9].
Тҳе Wинд Рисес филми Японияда 2013-йил 20-июл куни намойиш этилган ва ўша йили мамлакатда энг кўп даромад келтирган япон филми бўлган. Гарчи филм Осиё минтақасида айрим сиёсий баҳс ва танқидларга сабаб бўлган бўлса-да, у танқидчилар томонидан кенг эътироф этилган. Филм бир нечта йирик мукофотларга номзод бўлган, жумладан „Энг яхши анимацион филм“ учун Осcар мукофоти, Голден Глобе мукофотининг „Энг яхши хорижий тилдагифилми“ номинацияси ва Жапан Аcадемй Призенинг „Йилнинг энг яхши анимацион филми“ мукофоти. Сўнгги мукофотни филм қўлга киритган.
Сюжети
1918-йилда ёш Жиро Ҳорикоши учувчи бўлишни орзу қилади, бироқ унинг кўриш қобилиятидаги нуқсон бу ниятини амалга оширишга тўсқинлик қилади. У бир журнал мақоласидан илҳомланиб, тез-тез туш кўра бошлайди. Тушида ўзи ҳавас қилган италиялик самолёт муҳандиси Гиованни Баттиста Cапрони билан бирга Cапронининг самолётида учади. Cапрони унга ўзи ҳеч қачон самолёт учирмаганини айтади ва „самолёт ясаш уни учиришдан ҳам гўзалроқ“ дейди. Беш йил ўтиб, Cапрони Cа.60 лойиҳасининг муваффақияцизлигидан сўнг, Жиро Токио императорлик университетида аэромуҳандислик йўналишида таҳсил олаётган бўлади. Бир сафар оиласини кўриб, қайтаётганида, у хизматкори Кину билан саёҳат қилаётган ёш қиз Наҳоко Сатоми билан танишиб қолади. Кутилмаганда Буюк Канто зилзиласи содир бўлади ва Кинунинг оёғи сингади. Жиро Наҳокони кўтариб олиб, уни хавфсиз тарзда уйига элтиб қўяди. Шундан сўнг улар бир-бирларига исмини айтмасдан хайрлашишади.
1925-йилда Жиро дўсти Киро Хонжо билан бирга университетни тугатади ва иккови ҳам Буюк Депрессия даврида Мицубиши авиация компаниясида иш бошлайди. Уларга Императорлик Армияси учун Мицубиши 1МФ9 қирувчи самолётини такомиллаштириш вазифаси юкланади. Синов пайтида самолёт ҳавода парчаланиб кетгани сабабли лойиҳа рад этилади. Режаларини ўзгартириб, Мицубиши 1929-йилда Жиро ва Хонжони бомбардимончи самолёт қуриш мақсадида Жункерс Г.38 учун ишлаб чиқариш лицензиясини олиш учун Веймар Республикасига жўнатади. Ҳуго Юнкерс уларни илиқ кутиб олса-да, Хавфсизлик полицияси икки мутахассисга тўлиқ чизмаларни олишга тўсқинлик қилади. Япониянинг авиация технологияси дунёнинг қолган қисмидан қанчалик орқада қолганини кўриб, Жиро ва ҳамкасблари руҳсизланади. Жиро Японияга қайтади, Хонжо эса қолиб, кейинчалик Мицубиши Г4М ни яратади.
Манбалар
- ↑ „ТҲЕ WИНД РИСЕС (12А)“. СтудиоCанал. Бритиш Боард оф Филм Cлассифиcатион (31 март 2014). 7 апрел 2014да асл нусхадан архивланган. Қаралди: 1 апрел 2014.
- ↑ Роблес, Мануэл. Антологíа Студио Гҳибли: Волумен 2. Барселона: Долмен Эдиториал, 2013 — 80-бет. ИСБН 978-8415296935. Қаралди: 21 июл 2020 (15 октябр 2018да асл нусхадан архивланган).
- ↑ „Тҳе Wинд Рисес (2014) – Бох Оффиcе Можо“. 4 апрел 2014да асл нусхадан архивланган.
- ↑ „Интернатионал Тотал Гросс“. Бох Оффиcе Можо. 28 феврал 2014да асл нусхадан архивланган. Қаралди: 3 март 2014.
- ↑ Греэн, Wиллиам; Сwанбороугҳ, Гордон (Аугуст–Новембер 1982). „Тҳе Зеро Преcурсор...Мицубиши'с А5М“. Аир Энтҳусиаст. № 19. 26–43-бет.
- ↑ „宮崎駿監督「この世は生きるに値する」 引退会見の全文“ (жа). Тҳе Никкеи (2013-йил 7-сентябр). 2016-йил 5-февралда асл нусхадан архивланган. Қаралди: 2023-йил 11-октябр.
- ↑ Ҳигҳфилл, Самантҳа (Септембер 6, 2013). „Ҳаяо Миязаки он ҳис ретиремент: 'Тҳис тиме И ам қуите сериоус'“. Энтертаинмент Wеэклй. Оcтобер 21, 2013да асл нусхадан архивланди. Қаралди: Оcтобер 27, 2019.
- ↑ „宮崎駿監督、新作タイトルは「君たちはどう生きるか」：朝日新聞デジタル“. Асаҳи Шимбун (2021-йил 14-ноябр). 2021-йил 14-ноябрда асл нусхадан архивланган. Қаралди: 2023-йил 13-сентябр.
- ↑ Пиэдра, Жош. „Ҳаяо Миязаки'с Финал Филм Титле ис Ҳоw До Ёу Ливе?“ (эн-УС). Тҳе Оутерҳавен (2017-йил 28-октябр). 2018-йил 21-февралда асл нусхадан архивланган. Қаралди: 2018-йил 3-март.
Ҳаволалар
 |
Викииқтибосда Тҳе Wинд Рисесга тегишли иқтибослар мавжуд. |
 |
Викиомборда „Тҳе Wинд Рисес“ мавзуси бўйича медиафайллар бор. |
- Расмий сайти
- Тҳе Wинд Рисес (филм) ат Аниме Неwс Нетwорк'с энcйcлопедиа
- Тҳе Wинд Рисес ИМДбда