Thomas Hunt Morgan

Тҳомас Ҳунт Морган (1866.25.9, Лексингтон, Кентукки — 1945-йил, 12-апрел, Пасадена, Калифорния) — америкалик зоолог, генетика асосчиларидан бири, АҚСҲ Миллий Фанлар академияси президенти (1927—31). Лондон Қироллик жамияти аъзоси (1919-йилдан). Кентукки (1886) ва Ж. Хопкинс университетларини (1891) тугатган. Брин-Мордаги хотинқизлар коллежи (1891 — 1904) ва Ню-Ёркдаги Колумбия университетида (1904—28) профессор, Пасаденадаги Калифорния технология институтининг биология лаборатория бошлиғи (1928—45). М. экспериментал эмбриология, регенерация, ҳайвонлар жинсини аниқлаш ва ирсиятга оид тадқиқотлар олиб борган; ирсиятнинг хромосома назариясини асослаб берган. М. ва унинг ходимлари томонидан хромосомалар чалкашуви ва кроссинговер ҳодисасининг кашф этилиши Мендел қонунларининг ситологик механизмини тўлиқ тушуниб олишга ва табиий танланиш назариясининг мо-ҳиятини тушунтиришга имкон берди. Нобел мукофоти лауреати (1933).