Tindal effekti

Тиндал эффекти — бир жинсли бўлмаган хира оптик муҳитда ёруғликнинг сочилиши. Мас., шишадан ясалган куб шаклидаги кюветка (ваннача)га сут аралаштирилган сув солиб, унинг асосидан ёруғлик туширилса, бу ёруғлик нурининг изи аник, кўриниб туради. Агар кюветканинг ён томонидан қаралса, сочилаётган ёруғлик ҳаво ранг конус (Тиндал конуси) кўринишида, кюветкадан ўтаётганда эса қизғиш бўлиб кўринади. Кюветка ён томонидан кузатилаётганда ёруғликнинг ҳаво ранг кўринишда бўлиши Релей қонуни асосида тушунтирилади. Муҳит зарралари ўлчами ёруғлик тўлқин узунлигидан кичик бўлса, Тиндал эффекти яхши кузатилади. Бу ҳодисани инглиз физиги Ж. Тиндал (Тйндалл) ўрганган (1868), шунинг учун унинг номи билан юритилади. Каллоид зарралар ва макромолекулаларнинг ўлчами, шакли ва консентрациясини аниклашнинг баъзи оптик усуллари Тиндал эффектига асосланган.