Tintikit

Тинтикит (АҚШнинг Юта штатидаги Тинтик деган жой номидан) — минерал; темир, фосфор ва сув бирикмаларидан таркиб топган. Табиатда кам учрайди. Т. 1963-йил Ўзбекистон ғарби (Қизилқум)да топилган ва ўрганилган. Ушбу Т.нинг рентгенограммаси Юта штатидаги Т. никига якин. Унинг кўриниши гил минералларни эслатади. Кимёвий таркиби Ғе3[(ОН)3(РО4)2]ЗН2О, унда Ғе,О3 48,18%, Р2О530,7%, Н2О 19,51%, А12О3 1,48%, На2О5 0,08%, К2О 0,03% мавжудлиги аниқланган. Ранги оқсариқ, яшил тусли. Қаттиқлиги 2—2,5, зичлиги 2,8 г/см3, ялаб кўрилса тилга ёпишади. Т. гиперген минерал бўлиб, лимонитлашган гематитда 5 см гача бўлган томирчалар шаклида, оксидланиш зонасидаги олтинсурма руда намоёнларида вужудга келади. Т. гепатит, натроярозит, алунит, олтин билан ассоциацияда учрайди.