Torn
„Торн“ (таржимаси „Тилка-пора“) – америкалик мусиқачилар Сcотт Cутлер ва Анне Превен ҳамда англиялик мусиқачи Пҳил Тҳорналлей ёзган қўшиқ. Қўшиқ дастлаб Превен учун соло қўшиқ ўлароқ ёзилган. Бошида Cутлер ва Превен тузган „Эднасwап“ рок гуруҳи қўшиқни жонли ижро этган аммо, уни студияда ёзмаган[2].
| „Торн“ | ||||
|---|---|---|---|---|
| Наталиэ Имбруглиа сингли | ||||
| Лефт оф тҳе Миддле албомидан | ||||
| Б томон |
| |||
| Чиқарилган санаси | 27-октябр 1997-йил | |||
| Жанр | ||||
| Давомийлиги | 4:04 | |||
| Лейбл | ||||
| Қўшиқ муаллиф(лар)и | ||||
| Продюсер(лар) | Пҳил Тҳорналлей | |||
| Наталиэ Имбруглиа хронологияси | ||||
| ||||
| Клипи | ||||
| „Торн“ ЁуТубеда | ||||
„Торн“ қўшиғи илк бор 1993-йил даниялик қўшиқчи Лис Сøренсен томонидан „Брæндт“ („Ёнган“) номи билан студияда ёзиб олинган. Дан тилидаги матнни Элисабетҳ Гжерлуфф Ниэлсен ёзган[3]. 1994-йил „Эднасwап“ гуруҳи ҳам қўшиқни студияда ёзган. 1996-йил эса норвегиялик-америкалик қўшиқчи Трине Реин ҳам қўшиқнинг каверини куйлаган.
„Торн“ австралиялик қўшиқчи Наталиэ Имбруглиа 1997-йил ижро этганидан кейин глобал миқёсда танилди. Имбруглиа версиясини Тҳорналлей ҳозирлаган. Имбруглиа ижросидаги кавер Лондон шаҳрида ёзиб олинган. Уни ёзишда Давид Мундай (соло-гитара), Тҳорналлей (бас-гитара, ритм-гитара), Чуcк Сабо (барабанлар), Ҳенрй Биннс, Сам Ҳардакер (барабанларни дастурлаш) ҳамда Катрина Лесканичлар (бек-вокал) иштирок этишган. Имбруглиа версиясини Нигел Годрич микс қилган.
Имбруглиа ижросидаги кавер Белгия, Канада, Дания, Исландия, Испания ва Швеция хит-парадларида, шунингдек, АҚШда чоп этиладиган „Биллбоард“ журнали юритадиган уч хит-парадда биринчи поғонага кўтарилди. Имбруглиа ижро этган кавернинг жаҳон бўйлаб тўрт миллиондан ошиқ нусхаси сотилди[4]. 2013-йилда „Қ“ журналининг „Энг сара 1001 қўшиқ“ (инглизча: 1001 Бест Сонгс Эвер) деб номланган махсус нашри учун тузилган рўйхатларнинг бирида „Торн“ қўшиғи „Энг яхши поп қўшиқ“ деб топилди[5]. 2009-йилда „Неwс.cом.ау“ нашри „Торн“ Австралия радиоларида 1990-йилдан бери энг кўп ижро этилган қўшиқ эканини хабар қилди. Нашрга кўра, қўшиқ 1997-йилда эълон қилинганидан 2009-йилга қадар 300,500 мартадан кўпроқ радиода эшиттирилган, яъни кунига ўрта ҳисобда 75 марта эфирга узатилган[6]. Имбруглиа версиясини „Болалар“ ўзбек гуруҳи „Соғиндим, ишон“ номи билан ўзбек тилида куйлаган.
Соғиндим, ишон
„Торн“ қўшиғининг Наталиэ Имбруглиа ижросидаги версиясини 1998-йил „Болалар“ ўзбек гуруҳи „Соғиндим, ишон“ номи билан ўзбек тилида куйлаган. Ўзбекча кавер матнини гуруҳ қўшиқчиси Тоҳир Содиқов ёзган.[манба керак] Имбруглиа ижросидаги кавер фа-мажор тоналлигида[7], „Болалар“ ижросидаги кавер эса ми-мажор тоналлигида ижро этилган.
„Соғиндим, ишон“ „Болалар“ гуруҳининг энг таниқли қўшиқларидан биридир. 2024-йил композицияни „Овоз“ дастури қатнашчиси Хуршид Рустамов куйлаган. Рустамов ҳакамлар орасида ўтирган Содиқов жамоасини танлаган.
Манбалар
- ↑ Прато, Грег „Лефт оф тҳе Миддле - Наталиэ Имбруглиа : Сонгс, Ревиэwс, Cредиц, Аwардс“. АллМусиc (10-март 1998-йил). Қаралди: 30-ноябр 2013-йил.
- ↑ Флиннер, Аманда „Интервиэw wитҳ Пҳил Тҳорналлей“. сонгфаcц. 2017-йил 16-февралда асл нусхадан архивланган. Қаралди: 13-январ 2017-йил.
- ↑ Нйгаард, Кристиан Дам. „Лис Сøренсен-санг блев эт верденшит: Ҳун фик икке эн кроне“ (датча). БТ (17-август 2018-йил). Қаралди: 27-июн 2020-йил.
- ↑ „Бест Селлинг Синглес Оф Алл Тиме“. эверйҲит.cом. Қаралди: 17-феврал 2012-йил.
- ↑ Қ Магазине.. „Торн Но. 1 Бест Поп Сонг“. Қ Магазине Тҳе Роcк Лист (11-июн 2013-йил). 2011-йил 28-июнда асл нусхадан архивланган. Қаралди: 11-июн 2013-йил.
- ↑ „Аирwавес торн уп бй Имбруглиа“. Неwс.cом.ау (3-май 2009-йил). 13-март 2012-йилда асл нусхадан архивланган.
- ↑ Анне, Превин; Сcотт, Cутлер; Пҳил, Тҳорналлей; Наталиэ, Имбруглиа „Торн“. Мусиcнотес.cом (30-декабр 2002-йил). Қаралди: 28-апрел 2021-йил.