Torre Entel
Торре Энтел (Энтел минораси) – 127.4 метр (418 фт) узунликка эга бўлган Чилининг Сантяго шаҳридаги телекоммуникацион минора. Торре Энтелда ташриф буюрувчилар учун очиқ кузатув майдони мавжуд. Қурилиш 1970-йилда Эдуардо Фреи Монталва президентлик даврида бошланган. Минора 1974-йилда очилган. 1976-йилда у ўзининг биринчи телевизион транслацияларини амалга оширди. Кўп йиллар давомида иншоот Чилидаги энг баланд бино бўлган ва бугунги кунда Сантягонинг рамзи бўлиб қолмоқда. Минора бетон, пўлат ва алюминийдан қурилган.
18 қаватли 128 м баландликдаги бинонинг қурилиши 1974-йилда тугагандан сўнг, мамлакатдаги энг баланд меъморий иншоот бўлди. 1996-йилда 143 м баландликдаги Телефониcа минорасининг очилишига қадар ўз мақомини сақлаб қолди. Унинг дизайни телекоммуникациянинг қадимий шакли бўлган маш’алани ифодалайди[1].
Тарихи
Бинонинг қурилиши Эдуардо Фреи Монталва ҳукумати даврида, 1970-йил 1-июлда Миллий телекоммуникация марказининг бир қисми сифатида бошланган. Тўрт йиллик қурилишдан сўнг минора 1974-йил 30-августда ҳозирги кўринишга келди. Миноранинг тузилишига бир неча йил олдин қурилган Лондондаги БТ Тоwер таъсир кўрсатган.
Кейинчалик, 1975-йил 8-сентябрда иккита сунъий йўлдош антенналари ўрнатилди. 1976-йил 12-апрелда телефон каналлари ишга тушди. Шу пайтдан бошлаб, Энтел минораси мамлакат алоқа тизимининг муҳим ядросига айланди, бу орқали Энтелнинг телефон, телевидениэ, радио ва микротўлқинли тармоғи хизматларини Чили телефон компанияси (ҳозирги Мовистар) ва шимол, марказ ҳамда бошқа тармоқлар билан ўзаро боғлаш имконини берди. Бундан ташқари, иншоот Лонговило сунъий йўлдош алоқаси ерости стансиясига уланган. Айни пайтда у ерда сунъий йўлдош орқали халқаро трафикни амалга оширувчи барча жиҳозлар, Сантяго-Мендоза ер усти, жанубий ва шимолий Миллий магистрал тармоқлари фаолият кўрсатиб келмоқда. Улар давлат шаҳарлараро телефон, телекс, телевидениэ ва радиоэшиттириш хизматларини ўзаро боғлайди.
2009-йил 31-декабрга ўтар кечаси Жанубий Америкадаги энг катта ЛЕД дисплейнинг очилиш маросими бўлиб ўтди ва минора тепасига „Янги йил“ байрамини нишонлаш учун ўрнатилди. Экран 320 квадрат метрни ташкил этди ва об-ҳаво маълумотлари ҳамда янгиликларни кўрсатиш учун мўлжалланди.
Чилиликлар учун Энтел минораси ҳақиқий шаҳар рамзига айланган. Иншоот пойтахтнинг энг олис нуқталаридан ҳам кўзга ташланиб туради.
2019-йил 12-ноябр куни Чилидаги норозилик намойишлари доирасида минора пойдевори номаълум шахслар томонидан талон-тарож қилинди ва вандаллик амалга оширилди[2].
Архитектураси
Энтел минораси пойдеворидан 127,40 м баландликда бўлиб, Сантяго метросининг Ла Монеда стансияси ёнида жойлашган[3].
Уй-жой ва шаҳарсозлик вазирлигининг Ҳужжатлар марказидан олинган маълумотларга кўра, минора техник жиҳатдан қуйидаги қурилиш маълумотларига эга:
- Техник спецификациялар:
- Қазилган материал миқдори: 9000 м³
- Ишлатилган бетон: 2700 м³
- Майдони: 1643 м²
- Оғирлиги: 8620 тонна
- Пойдеворнинг оғирлиги: 2000 тонна
- Иштирок этган мутахассислар:
- Архитекторлар: Карлос Алберто Круз Кларо, Хорхе Ларраин Латорре, Рикардо Лабарка Фернандес, Даниэл Балласси Фронтаура
- Структуравий муҳандислар: Родриго Флорес Алварес ва Марио Каналес Адриазола.
- Институт биносининг конструктив муҳандиси: Сантяго Ариас
- Иш учун мас’ул муҳандис: Иван Пулгар
Манбалар
- ↑ „ҲИСТОРИА ДЕ ЛАС ТЕЛЕCОМУНИCАCИОНЕС“. Қаралди: 2020-йил 14-май.
- ↑ ФаерWаер. „Сақуэан ла иcóниcа Торре Энтел эн медио де манифестаcионес“ (эн-УС). ФаерWаер. Қаралди: 2020-йил 14-май.
- ↑ „Торре Энтел (Сантиаго де Чиле, 1974)“ (эн). Струcтураэ. Қаралди: 2020-йил 15-май.