Ziyosfera

Oʻzbekiston milliy universiteti

(ToshDUdan yoʻnaltirildi)

Мирзо Улуғбек номидаги Ўзбекистон Миллий университети (ЎзМУ) — Ўзбекистондаги энг йирик олий ўқув юрти ва илмий текшириш марказларидан бири; Ўрта Осиё ва Қозоғистондаги биринчи университет. 1918-йил Туркистон халқ университети сифатида Тошкент шаҳрида ташкил этилган. Туркистон халқ университети 1920-йилдан Туркистон давлат университети, 1923-йилдан Ўрта Осиё давлат университети (САГУ), 1960-йилдан Тошкент давлат университети деб номланган. Ўзбекистон Республикаси Президентининг 2000-йил 28-январдаги фармонига[2] мувофиқ, университетга миллий университет мақоми берилди ва у ҳозирги номи билан аталди. 1995-йил Мирзо Улуғбек номи берилган[3].

Мирзо Улуғбек номидаги Ўзбекистон миллий университети
Халқаро номи
 Натионал университй оф Узбекистан
Тури Университет
Асос солинган санаси 1918-йил
Ректори Ин'ом Маджидов
Факултетлар 16
Талабалари 33 930 [1]
Бакалавриат 4 йил
Магистратура 2 йил
Аспирантура 3 йил
Докторантура 3 йил
Манзили
Тошкент-100174, Талабалар шаҳарчаси, Мирзо Улуғбек номидаги Ўзбекистон Миллий университети, Ўзбекистон
Веб-сайти ҳттп://www.нуу.уз/

Тарихи

Ўрта Осиё давлат университетида ишлаш учун отланган олимлар жамоаси. Феврал 1920-йил

Ташкил қилиниши

ХХ асрнинг бошларида Тошкент ва Туркистон ўлкасининг жадал ривожланиши ҳамда Тошкент ва Самарқанддаги гимназиялар, Тошкент Реал билим юрти ёки Тошкент шаҳридаги ўқитувчилар семинарияси ва бошқа ўрта таълим муассасаларини битирган ўқимишли одамлар сонининг кўпайиши муносабати билан бу ерда олий ўқув юрти — вақтнинг энг юқори талабларига жавоб берадиган университетни очиш масаласи кескин кўтарилди.

Тайёргарлик ишлари ҳам жамоатчилик, ҳам вилоят маъмурияти томонидан амалга оширилди. Тошкентдаги университетни очиш учун смета ва бошқа зарур ҳужжатлар 1914-йилга тайёрланган. Бироқ, биринчи жаҳон уруши бу режаларга тўсқинлик қилди.

Шунга қарамай, минтақада олий ўқув юртини очиш зарурияти сақланиб қолди. Шунинг учун 1917-йил 15-22-ноябр кунлари Тошкентда бўлиб ўтган Туркистон Советларининг ИИИ минтақавий қурултойи бу ерда олий ўқув юртини очишга қарор қилди. 1918-йил 17-феврал куни Тошкент олий таълим иштиёқмандлари жамиятининг таъсис йиғилиши бўлиб ўтди. Унинг таркибига рус географик ва техник жамиятлари Туркистон бўлимлари, Тошкент табиацҳунослар ва шифокорлар жамияти, Тошкент педагогика ва юридик жамиятлари, Туркистон қишлоқ хўжалиги жамияти, мусулмон ўқитувчилари жамияти, политехника курслари ҳамда ўлкашунослик ўқитувчилари уюшмаси вакиллари киради.

Олий таълим иштиёқмандлари жамиятининг аъзолари математик В. И. Романовский, шифокорлар А. П. Шилов ва М. И. Слоним, агроном Р. Р. Шредер, меъмор Г. М. Варичевский ва бошқалар каби таниқли олимлар эди. М. И. Сосновский раис этиб сайланди.

Халқ университети

Ўрта Осия Давлат Университети битирувчилари.

1918-йил 9-март куни Туркистон ўлкасининг ХКК миллий университетини халқ таълими комиссарлигига бўйсуниш билан ташкил этишга қарор қилди. Университетга ҳарбий мактаб биноси ва буюк княз Н. К. Романов саройи берилди. Ташкилий харажатлар учун 2 миллион рубл ажратилди. Ушбу қарор 1918-йил 16 мартдаги Туркистон Давлат қўмитаси буйруғи билан эълон қилинди.

1918-йил 11-март куни Туркистон университети кенгаши тузилди, 1918-йил 5-апрел куни кенгаш мажлисида унинг раҳбарлари сайланди. Университет директори илгари Петроград гимназияларидан бирининг ўқитувчиси ва олий хотин-қизлар курсларининг хусусий доценти сифатида ишлаган таниқли халқ таълими ходими А. В. Попов эди. Директор ўринбосари энг йирик агроном Рихард Рихардович Шредер этиб сайланди.

Шундан сўнг, университетга ўқиш истагини билдирганларни қабул қилиш бошланди. 1918-йил 21-апрел куни Туркистон халқ университетининг тантанали очилиш маросими бўлиб ўтди. Дастлаб бу ерда ўқиган талабалар сони 1200 киши эди.

Таъкидлаш жоизки, Туркистон халқ университети ташкил топганининг дастлабки даврида олий таълим муассасаси эмас эди. У турли хил таълим ва маърифий муассасаларни бирлаштирган ўзига хос ўқув комбинати эди. У университет типидаги факултетларни ўз ичига олган: табиий-математик, қишлоқ хўжалиги, техник, ижтимоий-иқтисодий ва адабий-фалсафий (1918-йил кузидан бошлаб тарихий-филологик, педагогика, жумладан, педология ва психология) ва турли курслар: электромонтёрлар, ўрмон техниклари, ер-сув қўмиталари ўқитувчилари, автомобил ишлари, темир йўл, чизмалар, кооператив, педагогик, хорижий тиллар, мактабгача таълим, кесиш ва тикиш, поябзал ишлар ва бошқалар. Университетдаги курсларни тинглашга барча хоҳловчиларга, уларнинг таълим даражасидан қатъи назар, рухсат берилди. Яъни, айрим ҳолларда, табиатан университет курслари ўрта касб-ҳунар таълим муассасаларига яқинлашди.

1961-1969-йилларда Ўзбекистон миллий университети Марказий Осиё муассасалари ўртасида замонавий таълим тизимида биринчи ўринни эгаллади ва Совет Иттифоқининг энг нуфузли олий ўқув юртларидан бирига айланди. Кўплаб Марказий Осиё миллий университетлари Ўзбекистон миллий университети базасида ташкил этилган, жумладан, Абай номидаги Қозоғистон Миллий педагогика университети (1925), Тожикистон олий педагогика институти (1932) ва Тожикистон қишлоқ хўжалиги институти (1931), шуниндек, айрим маълумотларга кўра Қирғиз миллий университети ташкил этилишига ҳам асос бўлган.

Кейинги йиллар

Туркистон университетида тиббиёт, физика-математика, ижтимоий-иқтисодий (ижтимоий фанлар), тарих-филология, техника, қишлоқ хўжалиги ва ҳарбий факултетлар бўлиб, уларда 2969 талаба ўқиган. Ишчи ва деҳқонларни, айниқса, маҳаллий миллат вакилларини университетга киришга тайёрлаш мақсадида унинг ҳузуридаги ишчилар факултети муҳим рол ўйнади. Университет йилдан йилга кенгайиб борди. 1924-йил „Ижтимоий фанлар“ факултети асосида „Маҳаллий хўжалик ва ҳуқуқ“ факултети тузилди. Баъзи факултетлар бирлаштирилди, айрим факултетларда бир қанча бўлим ва кафедралар очилди. Университет мамлакатда Ўрта Осиё ва Қозоғистон учун кадрлар тайёрлашнинг асосий марказига айланди. Ўзбек зиёлиларининг таркиб топишида муҳим рол ўйнади. 20-йилларнинг 2-ярмидан университетда илмий текшириш ишларига алоҳида аҳамият берилди. 1929-йил аспирантура очилди. Университет олимлари томонидан халқ хўжалиги учун муҳим аҳамиятга эга бўлган кашфиётлар қилинди. Хусусан, 1928-йил университет олими П. Б. Грабовский И. Ф. Белянский билан биргаликда электрон нур ёрдамида ҳаракатдаги тасвирни бир жойдан бошқа жойга узатадиган ва қабул қиладиган „радиотелефот“ аппаратини яратдилар. 1928-йилдан университет факултетлари асосида мустақил тармоқли институтлар, жумладан, Ўрта Осиё пахтачилик институти, Ўрта Осиё пахтачилик ва ирригация политехника институти (ҳозирги Тошкент ирригация ва мелиорация институти), Ўрта Осиё тиббиёт институти, Тожикистон қишлоқ хўжалиги институти, Тожикистон агрономия ва педагогика институти, Туркманистон зооветеринария институти, Ўрта Осиё ирригация муҳандислари ва техниклари институти, Ўрта Осиё геология қидирув институти, Ўрта Осиё индустриал институти (ҳозирги Тошкент техника университети), Ўрта Осиё ипакчилик институти, Ўрта Осиё молия иқтисод институти (ҳозирги Тошкент иқтисодиёт университети) ва бошқа институт ҳамда илмий текшириш муассасалари таркиб топди. 1931-йил университетда биология, техника, физика-математика ва ишчи факултетлари ишлади. 1935-йил тарих, тупроқшунослик, геология ҳамда география факултетлари ташкил топди. 1938-йил сиртқи бўлим очилди. Иккинчи жаҳон уруши (1939—1945)дан олдинги даврда университет ўқитувчилар таркиби университетни тугатган миллий кадрлар (Т. Н. Қори Ниёзий, Т. З. Зоҳидов, Т. А. Соримсоқов, О. С. Содиқов ва бошқалар) ҳисобига кенгайди. 1941-йил ноябрда Ўзбекистон Давлат Университети (ҳозирги Самарқанд университети) САГУга қўшилди (1945-йил яна ажралиб чиқди). Филология (1942), шарқ (1944), география (1945), геология-тупроқшунослик (1945) факултетлари ташкил этилди. 1943-йил апрелда аспирантура кенгайтирилиб, докторантура очилди. Университет олимлари 1943-йил Ўзбекистон Республикаси Фанлар академиясининг ташкил топиши ва ривожланишида асосий рол ўйнадилар. Кейинги йилларда университет фаолияти янада кенгайди, ўқув жараёнлари такомиллашди ва илмий тадқиқотларлар юксалди. 1991-йил шарқ ва юридик факултетлари негизида Тошкент шарқшунослик институти ва Тошкент юридик институти ташкил топди. Университетда 14 та факултет (физика, механика-математика, кимё, биология-тупроқшунослик, география, геология, ўзбек филологияси, хорижий филология, журналистика, тарих, фалсафа, ижтимоий-сиёсий фанлар, иқтисодиёт, ҳуқуқшунослик), факултет мақомидаги тиллар маркази, тайёрлов бўлими, 102 та кафедра, Амалий физика илмий текшириш институти, Олий педагогика институти, Амалий экология ва табиатдан унумли фойдаланиш илмий текшириш бўлими, ботаника боғи, 16 та илмий лаборатория ва миллий қадриятлар маркази фаолият кўрсатади. Шунингдек, ўқув, ўқув-услубий, аспирантура, маркетинг, ички назорат ва мониторинг, режа-молия, ҳисоб, ходимлар бўлимлари, магистратура маркази, бош муҳандис хизмати ва бошқалар мавжуд. Университетда 3 миллиондан ортиқ асарга эга 14 та кутубхона (улардан 13 таси факултетлар қошида) фаолият кўрсатади. Кутубхонада тошбосма ва нодир қўлёзмалар фонди бор.

Университет 34 та таълим йўналиши бўйича бакалаврлар, 108 та мутахассислик бўйича магистрлар тайёрлайди. 68 та мутахассислик бўйича аспирантура, 20 та мутахассислик бўйича докторантура мавжуд. 2005-йил 164 та аспирант, 16 та докторант, 127 та тадқиқотчи илмий текшириш олиб борди, 14 та ихтисослашган кенгаш (9 та докторлик ва 5 та номзодлик) 30 та мутахассислик бўйича фаолият кўрсатади. 2004-2005-ўқув йили университетда 10 250 та талаба таълим олди, 1059 та профессор-ўқитувчи, жумладан, 136 та фан доктори ва профессор, 387 та фан номзоди ва доцент ишлади. Университет профессор ўқитувчилари орасида Ўзбекистон Республикаси Фанлар академиясининг академиклари (А. А. Абдуваҳобов, Ж. А. Азимов, Т. А. Азларов, Ш. А. Алимов, Ш. А. Аюпов, Т. Н. Долимов, Т. Ж. Жўраев, Т. С. Йўлдошбоев, А. Т. Мамадалимов, Ж. А. Мусаев, М. М. Мусахонов, А. Р. Муҳаммаджонов, Т. М. Мўминов, Н. А. Парпиев, С. Ш. Рашидова, М. Салоҳиддинов, Ш. И.Солиҳов, Н. Й. Сотимов, Б. О. Тошмуҳамедов, С. Ш. Шермуҳамедов ва бошқалар) бор. Университетда муҳим фан тармоқлари бўйича илмий мактаб ва йўналишлар яратилди. Хусусан, университет олимларининг математика ва механика (В. И. Романовский, Т. А. Саримсоқов, С. Ҳ. Сирожиддинов, Ш. Қ. Фармонов, Т. А. Азларов, М. С. Салоҳиддинов, А. С. Садуллаэв, Ш. А. Аюпов, Ш. О. Алимов, М. Т. Ўрозбоев, А. Бегматов), физика (С. В. Стародубсев, О. Холмуҳамедов, Ш. Отажонов, С. У. Умаров, Р. Х. Маллин), кимё (О. С. Содиқов, Р. Тиллаев, К. С. Аҳмедов, Ў. Н. Мусаев, С. Ш. Рашидова, Ш. Т. Толипов), биология (Й. П. Коровин, Т. З. Зоҳидов, А. Т. Тўлаганов, А. Ваҳобов), тупроқшунослик ва агрокимё (С. Н. Рижов, Х. А. Абдуллаев), биокимё ва биофизика (Й. Х. Тўрақулов), баланд тоғларни ўзлаштириш (И. А. Райкова), генетика (Ж. А. Мусаев), геология (А. С. Уклонский, О. И. Исломов, Т. Н. Долимов), география (Л. Н. Корженевский, А. Солиев, З. М. Акрамов, Ҳ. Ҳ. Ҳасанов), фалсафа (А. Т. Аюпов, К. С. Содиқов, Э. Юсупов, С. Шермуҳамедов, Ж. М. Бобоев, И. Раҳимов), тарих (В. В. Бартолд, А. А. Семёнов), ҳуқуқшунослик (Ҳ. С. Сулаймонова, О. Э. Эшонов, Ш. З. Ўразаев), шарқшунослик (Ш. Шомуҳамедов), филология (Ғ. К. Каримов, О. Шарафиддинов, С. Д. Долимов, А. Ғ.Ғуломов, Л. П. Қаюмов, Б. Қосимов, У. Норматов, А. Абдуазизов, Ш. Раҳматуллаев), психология (Э. Ғозиев), социология (Н. Алиқориев) соҳасидаги тадқиқотлари машҳур.

Университет ташкил топгандан бери 110 мингдан ортиқ мутахассис тайёрланди (2005). Университетда таниқли шоир ва ёзувчилардан Ойбек, М. Авезов, А. Қаҳҳор, А. Мухтор, П. Қодиров, О. Ёқубов, Ў. Ҳошимов, Ўзбекистон Қаҳрамонлари О. Шарафиддинов, А. Орипов, Э. Воҳидов ва бошқалар ўқиган.

Университетда „Ўзбекистон миллий университети хабарлари“ журнали (1997) ва „Миллий университет“ газетаси (1918) чиқади. Университет ўз босмахонасига эга бўлиб, унда ҳар йили профессор ва ўқитувчиларнинг 100 дан ортиқ илмий асар ва ўқув-услубий адабиётлари нашр этилади.

Университетда 2025-йил 26-июн ҳолатига кўра 34 мингдан ортиқ талаба, магистр, аспирант ва докторантлар таҳсил олмоқда.

Ректорлари

Академиклар

Т/р Ф. И. Ш Факултети
1 Сатторов Жўрақул Сатторович Биология
2 Азимов Жалолиддин Азимович Биология
3 Аюпов Шавкат Математика
4 Алимов Шавкат Арифжанович Математика
5 Фармонов Шокир Қосимович Математика
6 Муқимов Комил Физика
7 Азимбой Саъдуллаев Математика

Факултетлар

Бакалавр йўналишлари

Кундузги

# Шифр Таълим йўналиши номи
1 5111400 Хорижий тил ва адабиёти: инглиз тили
2 5111600 Миллий ғоя, маънавият асослари ва ҳуқуқ таълими
3 5120101 Филология ва тилларни ўқитиш: ўзбек тили
4 5120112 Филология ва тилларни ўқитиш: инглиз тили
5 5120113 Филология ва тилларни ўқитиш: немис тили
6 5120114 Филология ва тилларни ўқитиш: франсуз тили
7 5120201 Таржима назарияси ва амалиёти: инглиз тили
8 5120202 Таржима назарияси ва амалиёти: немис тили
9 5120203 Таржима назарияси ва амалиёти: франсуз тили
10 5120300 Тарих (мамлакатлар ва минтақалар бўйича)
11 5120400 Археология
12 5120500 Фалсафа
13 5121300 Тарих ва экскурсия-ўлкашунослик иши
14 5121400 Антропология ва этнология
15 5130100 Математика
16 5130200 Амалий математика ва информатика
17 5140100 Биология (турлари бўйича)
18 5140200 Физика
19 5140300 Механика
20 5140400 Астрономия
21 5140500 Кимё
22 5140600 География
23 5140700 Гидрометеорология
24 5140800 Геология
25 5140900 Геофизика
26 5141100 Гидрология (тармоқлар бўйича)
27 5141200 Геокимё
28 5141300 Нефт ва газ кимёси
29 5141400 Полимер ва композицион материаллар кимёси
30 5141500 Биотиббиёт физикаси
31 5141600 Фойдали қазилма конларини баҳолаш ва геомоделлаштириш
32 5141800 Табиий ва физиологик фаол бирикмалар кимёси
33 5210100 Социология
34 5210203 Психология: амалий психология
35 5210204 Психология: оила психологияси
36 5210205 Психология: ёшлар психологияси
37 5220300 Архившунослик
38 5230100 Иқтисодиёт (тармоқлар ва соҳалар бўйича)
39 5231700 Кадрлар менежменти
40 5232200 Эконометрика
41 5232300 Минтақавий иқтисодиёт
42 5311500 Геодезия, картография ва кадастр (функсиялари бўйича)
43 5330100 Ахборот тизимларининг математик ва дастурий таъминоти
44 5330200 Информатика ва ахборот технологиялари (тармоқлар ва соҳалар бўйича)
45 5330300 Ахборот хавфсизлиги (соҳалар бўйича)
46 5410100 Агрокимё ва агротупроқшунослик
47 5520101 Ижтимоий иш (пенсия таъминоти)
48 5520102 Ижтимоий иш (оила ва болалар билан ишлаш)
49 5610700 Спорт тадбирларини ташкил этиш ва бошқариш
50 5630100 Экология ва атроф-муҳит муҳофазаси (тармоқлар ва соҳалар бўйича)
51 60420100 Юриспруденсия

Сиртқи

# Шифр Таълим йўналиши номи
1 5111600 Миллий ғоя, маънавият асослари ва ҳуқуқ таълими
2 5120101 Филология ва тилларни ўқитиш: ўзбек тили
3 5120300 Тарих (мамлакатлар ва минтақалар бўйича)
4 5120500 Фалсафа
5 5140100 Биология (турлари бўйича)
6 5140600 География
7 5140800 Геология
8 5210100 Социология
9 5210203 Психология: амалий психология
10 5220300 Архившунослик
11 5230100 Иқтисодиёт (тармоқлар ва соҳалар бўйича)
12 5231700 Кадрлар менежменти
13 5311500 Геодезия, картография ва кадастр (функсиялари бўйича)
14 5330200 Информатика ва ахборот технологиялари (тармоқлар ва соҳалар бўйича)
15 5410100 Агрокимё ва агротупроқшунослик
16 5520102 Ижтимоий иш (оила ва болалар билан ишлаш)
17 5610700 Спорт тадбирларини ташкил этиш ва бошқариш
18 5630100 Экология ва атроф-муҳит муҳофазаси (тармоқлар ва соҳалар бўйича)

Кечки

# Шифр Таълим йўналиши номи
1 5120101 Филология ва тилларни ўқитиш: ўзбек тили
2 5120112 Филология ва тилларни ўқитиш: инглиз тили
3 5120400 Археология
4 5130100 Математика
5 5130200 Амалий математика ва информатика
6 5140200 Физика
7 5140500 Кимё
8 5330200 Информатика ва ахборот технологиялари (тармоқлар ва соҳалар бўйича)

Магистратура йўналишлари

# Шифр Таълим йўналиши номи
1 5А111601 Ижтимоий-гуманитар фанларни ўқитиш методикаси (маънавият асослари)
2 5А120101 Адабиёцҳунослик: рус адабиёти
3 5А120101 Адабиёцҳунослик: ўзбек адабиёти
4 5А120102 Лингвистика: рус тили
5 5А120102 Лингвистика: инглиз тили
6 5А120102 Лингвистика: франсуз тили
7 5А120102 Лингвистика: немис тили
8 5А120102 Лингвистика: ўзбек тили
9 5А120106 Компютер лингвистикаси
10 5А120201 Қиёсий тилшунослик, лингвистик таржимашунослик (тиллар бўйича)
11 5А120302 Тарих (йўналишлар ва фаолият тури бўйича)
12 5А120303 Давлат ва фуқаролик жамияти институтлари бошқаруви
13 5А120304 Тарихшунослик, манбашунослик ва тарихий тадқиқот усуллари (мамлакатлар бўйича)
14 5А120401 Археология
15 5А120501 Фалсафа (соҳалар бўйича)
16 5А121401 Этнография, этнология ва антропология
17 5А130101 Математика (йўналишлар бўйича)
18 5А130102 Математик иқтисодиёт
19 5А130103 Актуар ва молиявий математика
20 5А130201 Амалий математика (соҳалар бўйича)
21 5А140101 Биология (фан йўналиши бўйича)
22 5А140102 Микробиология ва вирусология
23 5А140103 Биофизика ва биокимё
24 5А140104 Биотехнология
25 5А140201 Физика (йўналишлар бўйича)
26 5А140202 Ядро физикаси ва ядро технологиялари (қўллаш соҳалари бўйича)
27 5А140204 Қайта тикланувчи энергия манбалари ва барқарор атроф-муҳит физикаси
28 5А140205 Яримўтказгичлар физикаси
29 5А140301 Механика ва математик моделлаштириш
30 5А140401 Астрономия (тадқиқот йўналиши бўйича)
31 5А140501 Кимё (фан йўналиши бўйича)
32 5А140502 Радиокимё
33 5А140503 Нефт ва газ кимёси ва технологияси
34 5А140602 География (ўрганиш обекти бўйича)
35 5А140603 Амалий география (соҳалар бўйича)
36 5А140701 Метеорология, иқлимшунослик, агрометеорология (фаолият турлари бўйича)
37 5А140702 Гидрометеорология (фаолият тури бўйича)
38 5А140703 Иқлим ўзгариши ва иқлимий хатарларни баҳолаш
39 5А140801 Геология (фаолият турлари бўйича)
40 5А140802 Геологик съёмка ва фойдали қазилмалар конларини қидириш
41 5А140805 Геофизика, фойдали қазилмаларни қидиришнинг геофизик усуллари
42 5А140808 Геокимё, фойдали қазилмаларни қидиришнинг геокимёвий усуллари
43 5А140810 Минералогия ва кристаллография
44 5А140806 Сейсмология ва сейсмометрия
45 5А141001 Тупроқшунослик (тадқиқот тури бўйича)
46 5А141002 Экспериментал агрокимё
47 5А141101 Гидрология (ўрганиш обектлари бўйича)
48 5А141102 Гидрогеология (ўрганиш обекти бўйича)
49 5А210101 Социология (йўналишлар бўйича)
50 5А210101 Социология (оммавий коммуникациялар социологияси)
51 5А210102 Ижтимоий тизим ва жараёнларнинг ахборот ва психологик хавфсизлиги
52 5А210201 Психология (фаолият турлари бўйича)
53 5А210201 Психология (оилавий муносабатлар психологияси)
54 5А210201 Психология (ижтимоий психология)
55 5А220301 Ҳужжатчилик, ҳужжацҳунослик ва архившунослик
56 5А230102 Иқтисодиёт (тармоқлар ва соҳалар бўйича)
57 5А230103 Макроиқтисодиёт
58 5А231601 Инсон ресурсларини бошқариш
59 5А232201 Эконометрика
60 5А311502 Геодезия ва картография (функсиялари бўйича)
61 5А311701 Фойдали қазилма конлари геологияси, қидирув ва разведкаси (кон турлари бўйича)
62 5А313401 Геодезия ва геоинформатика
63 5А320101 Материалшунослик ва материаллар технологияси (тармоқлар бўйича)
64 5А330101 Компютер илмлари ва дастурлаш технологиялари (йўналишлар бўйича)
65 5А330201 Компютер тизимлари ва уларнинг дастурий таъминоти (тармоқлар ва соҳалар бўйича)
66 5А330204 Ахборот тизимлари (тармоқлар бўйича)
67 5А330301 Криптография ва криптоанализ (йўналишлар бўйича)
68 5А330302 Ахборот хавфсизлиги (йўналишлар бўйича)
69 5А520101 Ижтимоий иш (фаолиятнинг турли соҳалари бўйича)
70 5А520101 Ижтимоий иш (ёшлар билан ишлашни ташкил этиш)
71 5А630102 Экология (тармоқлар ва соҳалар бўйича)

Манбалар

  1. ↑ „О'зМУ университети ҳақида“. Қаралди: 2024-йил 3-июл.
  2. ↑ „„Халқ сўзи" газетаси 2000-йил 1-феврал сони Ўзбекистон Республикаси Президенти Ислом Каримов "Тошкент Давлат университетига "Ўзбекистон Миллий университети" мақомини бериш тўғрисида" Фармон“ (ҳттп://пресс.натлиб.уз/).+2025-йил 11-июлда асл нусхадан архивланган. Қаралди: 2024-йил 19-октябр.
  3. ↑ „Мирзо Улуг’бек Ҳақида“. www.савол-жавоб.cом. Савол-Жавоб.cом сайти. Қаралди: 17-январ 2023-йил.
  4. ↑ ГОРОДЕЦКИЙ Борис Григоревич
  5. ↑ Миллий университет раҳбарлари, 2019-11-03да асл нусхадан архивланди, қаралди: 2019-11-03
  6. ↑ „Ректоры и деканы факультетов Ташкентского университета“. 




"https://new.ziyosfera.uz/ziyo/19914441" dan olindi