Toshimitsu Yoshida
| Тўлиқ исми | Тошимицу Ёшида | ||
|---|---|---|---|
| Таваллуд санаси | 1963-йил 29-август | ||
| Таваллуд жойи | Точиги префектураси, Япония | ||
| Миллий мусобақалар | |||
| Йиллар | Лига | ||
| 1997—2017[1] |
 Ж.Леагуэ | ||
| 2012—2013[1] |
 Хитой Суперлигаси | ||
| Халқаро мусобақалар | |||
| Халқаро йиллар | Ташкилот | Лавозими | |
| 2001—2005 | Осиё Футбол Конфедерацияси | Ҳакам | |
Тошимицу Ёшида (1963-йил 29-августда туғилган[2]) — япониялик собиқ футбол ҳаками, 1993-йилда Япония профессионал Ж лигасида дебют қилган.
Таржимайи ҳол
У футболчилик фаолиятини Уцуномиянинг Точиги ёшлар клубида бошлаган. Шунингдек, Цукуба университети ёшлар клубида ўйнаган. Касаллик туфайли у ўз фаолиятини муддатидан олдин якунлади.
1987-йилда Точиги префектурасида мактаб футбол бўлими маслаҳатчиси бўлган. 1988-йилда футбол ҳаками сифатида фаолиятини бошлаган, учинчи ҳакам сифатида ишлаган. 1993-йилда у асосий ҳакам бўлган ва 2000-йилда халқаро ҳакам сифатида рўйхатга олинган.
2004 ва 2008-йилларда Ж-лигада энг яхши ҳакам деб топилган.
Пеналти бекор қилиниши билан боғлиқ шов-шувли воқеа
2005-йил 3-сентябр куни Тошкентдаги „Пахтакор“ стадионида 2006-йилги Жаҳон чемпионати саралаш босқичи доирасида бўлиб ўтган Ўзбекистон ва Баҳрайн терма жамоалари ўртасидаги ўйинда ўйиннинг бош ҳаками бўлган Ёшида техник хатога йўл қўйган, бу эса ўйиннинг қайта ўйналишига олиб келган[3][4]. Бу жаҳон чемпионати тарихидаги биринчи шундай ҳолат эди[5].
Ўйиннинг 38-дақиқасида Ёшида Баҳрайн дарвозасига пеналти белгилаган. Ўзбекистонликлар уни муваффақиятли амалга оширдилар. Бироқ Ёшида мезбонлар томонидан қоидабузарлик, яъни дарвозага зарба беришдан олдин рақиб жарима майдонига киришни қайд этган ва кутилмаганда голни бекор қилиб, Ўзбекистон терма жамоаси дарвозаси томон жарима зарбасини белгилаган. Қоидаларга кўра, у пеналтини тўхтатиши керак эди[6].
2005-йил 6-сентябрда „Германия-2006 Жаҳон чемпионати ташкилий қўмитаси“ Ўзбекистон — Баҳрайн ўйини ҳакамининг техник хатоси бўйича қарор қабул қилган. Бюро ҳакам ҳақиқатан ҳам техник хатога йўл қўйганини инобатга олиб, ўйинни қайта ўтказиш тўғрисида қарор қабул қилган[7].
Тошимицу Ёшида 2006-йилги жаҳон чемпионатида ҳакамлик қилишдан четлаштирилган ва АФC ҳакамларининг элита рўйхатидан чиқарилган. Шунингдек, Япония футбол ассоциацияси ҳакамни Япониянинг энг юқори дивизиони — Ж лигасида ҳакамлик қилишдан четлатиш ва иккинчи дивизион — Ж2 да ҳакамлик қилиш учун юборишга қарор қилган[8].
Бироқ, Ёшида тез орада Ж-лига учрашувларига хизмат кўрсатишга қайтган[9].
Манбалар
- ↑ 1,0 1,1 „Тошимицу Ёшида“. Қаралди: 2022-йил 15-декабр.
- ↑ Статистиcс фор ТОСҲИМИТСУ ЙОСҲИДА
- ↑ „Пеопле'с Даилй Онлине -- Жапанесе рефереэ Ёшида реcеивес индефините суспенсион“.
- ↑ „Беспрецедентное решение ФИФА“. РБК Спорт (2005-йил 6-сентябр). 2016-йил 5-мартда асл нусхадан архивланган.
- ↑ „Впервые в истории футбольный матч будет переигран из-за ошибки судьи“. федпост.ру (2005-йил 8-сентябр). 2015-йил 6-октябрда асл нусхадан архивланган.
- ↑ „Правила футбола - 11 метровый удар (пенальти)“. Соccер-зона. 2013-йил 24-декабрда асл нусхадан архивланган.
- ↑ „ФИФА инвалидатес Узбекистан-Баҳраин ресулт; матч то бе реплаед“ (эн). ФИФА (2005-йил 6-сентябр). 2011-йил 30-ноябрда асл нусхадан архивланган.
- ↑ „Арбитр, «засудивший» Узбекистан, отстранен от японского чемпионата“. км.ру СПОРТ (2005-йил 13-сентябр). 2015-йил 8-декабрда асл нусхадан архивланган.
- ↑ совспорт.ру. „Арбитр, обидевший Узбекистан, вернулся к судейству в Ж-лиге“. Советский спорт (2005-йил 6-октябр). 2015-йил 24-сентябрда асл нусхадан архивланган.