Tri kolodsa
| „Три колодста“ | ||||
|---|---|---|---|---|
| Ялла қўшиғи | ||||
| Три колодса албомидан | ||||
| Чиқарилган санаси | 1981 | |||
| Ёзиб олинган | 1981 | |||
| Жанр | эстрада | |||
| Давомийлиги | 4:52 | |||
| Қўшиқ муаллиф(лар)и | Юрий Энтин | |||
| Бастакор(лар) | Фарруҳ Зокиров | |||
| Три колодса хронологияси | ||||
| ||||
| Клипи | ||||
| „Три колодста“ ЁуТубеда | ||||
„Три колодса“ (русча: Три колодца, яъни „Уч қудуқ“) — „Ялла“ мусиқий гуруҳи ижро этган қўшиқ. „Учкудук“ (русча: Учкуду́к) ҳамда „Учкудук — три колодса“ (русча: Учкудук — три колодца) номлари билан ҳам танилган. Қўшиқ гуруҳнинг айни ном билан 1982-йил эълон қилинган студиявий албомига киритилган. Қўшиқ куйини гуруҳ аъзоси Фарруҳ Зокиров шоир Юрий Энтин ёзган шеърга басталаган.[1] Тарона гуруҳнинг „ташриф қоғозига“ айланган.[2] Қўшиқ учун гуруҳ аъзолари таронани чўлда ижро этаётган акс этган клип суратга олинган.
Қўшиқ бир кунда ёзилган. 1981-йил „Ялла“ гуруҳи шоир Энтин билан гастрол сафарида бўлган. Энтин Учқудуқ шаҳрини кезиб, шеър ёзган. Зокиров ўша куни шоир қистови билан 40 дақиқа ичида шеърни куйга солган.[3] Ўша куни кечқурун консерт давомида „Ялла“ гуруҳи қўшиқни илк бор ижро этган.
1981-йил Тошкент шаҳрида „Песня года“ дастури учун ижролар ёзиб олинган. „Ялла“ гуруҳи дастур учун айнан „Три колодса“ қўшиғини ижро этган. Аммо Ўзбек ССР Компартияси Марказий қўмитасининг иккинчи котиби қўшиқни намойиш қилишни ман қилади. СССР Марказий телевидениеси раҳбари Сергей Лапин аралашуви билан видеони эфирга узатишга рухсат берилган.
Қўшиқ эълон қилиниши биланоқ шуҳрат қозонган. Тарона „Песня-81“ танловининг финалида ижро этилган. Ижро 1982-йилнинг 1-январида СССР Марказий телевидениеси орқали бутун Совет Иттифоқи бўйлаб эфирга узатилган. Ўша йили „Ялла“ гуруҳининг „Три колодса“ номли албомига чиқарилган.
„Три колодса“ гуруҳ репертуаридаги энг кенг танилган тароналарнинг биридир. Гуруҳнинг „Песня-81“ кўрсатувидаги ижроси 2018-йилда ЁуТубега юкланганидан кейин 2022-йилнинг августига қадар 6 миллион мартадан кўп кўрилган. Қўшиқни бугунга қадар бир неча гуруҳ ва хонанда, жумладан, Шаҳзода кавер қилган. 2014-йил „Точ-в-точ“ кўрсатувида Севара Назархон қўшиқни Зокиров образида ижро этган. Ижро якунида Зокировнинг ўзи ҳамда гитарачи Зиёд Эшохўжаев унга жўр бўлган.[4]
Манбалар
- ↑ Шагулямов, Алишер. Предощущение легенды (русча). Ташкент: Шарк, 1999.
- ↑ „“ЯЛЛА” − биринчи ўзбек миллий эстрада гуруҳи“. Узаналйтиcс (21-май 2019-йил). 2022-йил 14-августда асл нусхадан архивланган. Қаралди: 14-август 2022-йил.
- ↑ Терпиловский, Фёдор „Три запрещённых колодца“ (русча). Обзор (28-август 2017-йил). Қаралди: 14-август 2022-йил.
- ↑ „Севара на шоу "Точь-в-точь" в образе Фарруха Закирова (25.05.2014)“. ЁуТубе (26-май 2014-йил). Қаралди: 14-август 2022-йил.