Tuanku Munavir qirollik masjidi
Tuanku Munavir qirollik masjidi (malaycha: Masjid Diraja Tuanku Munawir)[1] — Malayziyaning Negeri Sembilan shtati Seri Menanti shahrida joylashgan masjid. Seri Menanti qirollik maqbarasi yonida joylashgan.
| Masjid | |
Tuanku Munavir qirollik masjidi
| |
 | |
Tarixi
Hozirgi masjiddan 500 metr shimolda, Kampung Tanjung Beringin qishlogʻida joylashgan dastlabki masjid 1885-yilda qurilgan. Bino qurilishi uchun yer uchastkasi Negeri Sembilan shtatining 7-oliy hukmdori Tuanku Muhammad tomonidan vaqf qilingan. Hozirda eski masjiddan foydalanilmaydi. Eski masjid milliy meros obyekti sifatida rasman roʻyxatga olingan.
Hozirgi masjidning tamal toshi 1964-yilda qoʻyilgan. Marosim Negeri Sembilanning oʻsha vaqtdagi oliy hukmdori Tuanku Munawir rahbarligida oʻtkazilgan. Masjid qurilishi 1970-yilda yakunlanib, shu yili foydalanishga topshirilgan. Masjid joylashgan yer uchastkasi ham Negeri Sembilan qirollik oilasining vaqf mulki hisoblanadi[2][3].
Meʼmorchiligi
Masjid meʼmorchiligida Boburiylar davri meʼmorchiligining kuchli taʼsiri seziladi. Shu bilan birga, binoda modernizmga xos unsurlar ham mavjud. Binoning markazida katta, oltinrang gumbaz qad rostlagan. Masjid binosining toʻrt burchagida minoralar joylashgan, ayvon ustiga esa kichikroq gumbaz oʻrnatilgan. Masjid bir vaqtning oʻzida 1500 nafar namozxonni sigʻdira oladi[4].
Manbalar
 |
Vikiomborda „Tuanku Munavir qirollik masjidi“ mavzusi boʻyicha mediafayllar bor. |
- ↑ „Masjid Diraja Tuanku Munawir“. masjiddimalaysia.one.
- ↑ „Masjid Diraja Tuanku Munawir Seri Menanti - A Royal Mosque Steeped in Heritage and Faith“. mytrip.my. Qaraldi: 2025-yil 18-noyabr.
- ↑ „Masjid Diraja Tuanku Munawir“. Portal SISMIM. Qaraldi: 2025-yil 20-mart.
- ↑ „e-MIHRAB“. Negeri Sembilan Islamic Affairs Department. Qaraldi: 2025-yil 20-mart.