Urchitish

Урчитиш (чорвачиликда) — чорва ҳайвонларини генетик такомиллаштириш жараёнларини бошқариш, мавжуд ҳайвон зотлари, типлари, линияларини яхшилаш ва янгиларини чиқариш тўғрисидаги фан; чорвачиликда селексиянаелчилик ишларининг назарий асоси (қаранг Зоотехния, Зот). УРCҲУҚ, дук — толалардан қўлда ёки машинада ип йигириш ва пишитиш учун мулжалланган мослама ёки қурилма; йигиришпишитиш машиналарининг асосий иш органи. Шарқ мамлакатларида қўл У. қадимдан қўлланган, машина У.лари ХВИИИ аср 2ярмида пайдо бўлган (қаранг Йигириш). Қўл У. ёғочдан узунчоқ, овал шаклида ясалган мослама бўлиб, ип йигирувчи уни қўлда айлантириб турган. Шунда толалар (пахта, жун ва бошқалар) бирбирига илашиб, чўзилиб ва буралиб ингичка ипга айланган. Машина У.лари патрон, шпул ва ғалтак кийдириб қўйиладиган мураккаб геометрик шаклли пўлат шпиндел. Калава ип, пилта ва ипларни пишитиш (бураш) ҳамда маълум ўлчам ва шаклда ўрамлар ҳосил қилишга мулжалланган йигириш ва пишитиш машиналарида қўлланади. У.нинг табиий толалар (пахта, жун, зиғир ва бошқалар) ва кимёвий толалар учун мулжалланган турлари бор.

Кўпчилик У.лар эгилувчан (тасмали) узатма, баъзилари винтли ғилдираклар билан ҳаракатлантирилади. Кимёвий толаларни йигириш учун мулжалланган У.лар электр двигател билан айлантирилади. Гилам тўқиш, арқон эшиш учун ярайдиган йўғон иплар тайёрлашда куш бурамли У.лар қўлланади.