Ustav

Устав (рус.) — муайян муносабат доирасидаги фаолият ёки бирор давлат органи, корхона, ташкилот ва ш.к.нинг тузилиши, вазифасини йўналтириб турадиган асосий қонунқоидалар мажмуи (масалан, сиёсий партия, касаба уюшмаси, темир йўл, дарё транспорти, банк уставлари ва ҳоказо). Ҳарбий хизматчилар ўртасидаги ўзаро муносабатлар қуролли кучлар Устави билан тартибга солинади. Устав юридик шахсларнинг асосий таъсис ҳужжати ҳисобланади. Юридик шахс ўз истави асосида иш олиб боради. Устав юридик шахс муассислари томонидан тасдиқланади ва давлат рўйхатидан ўтказилади. Уставда юридик шахснинг номи, унинг жойлашган ери, почта манзили, юридик шахс фаолиятини бошқариш тартиби белгилаб қўйилиши, шунингдек, уларда тегишли турдаги юридик шахслар тўғрисида қонунда назарда тутилган бошқа маълумотлар бўлиши керак. Уставда юридик шахс фаолиятининг соҳаси ва мақсадлари белгилаб қуйилган бўлиши лозим. Айрим ҳолларда халқаро шартномалар ҳам Устав деб аталаши мумкин (масалан, БМТ Устави).