Ziyosfera

Valeriy Halilov

Валерий Михайлович Халилов (1952-йил 30-январ, Ўзбекистон ССР Термиз – 2016-йил 25-декабр, Сочи яқинидаги Қора денгиз акваторияси, Россия[1]) – совет ва рус дирижёри, бастакор. Ансамбл раҳбари – А. В. Александров номидаги Россия армиясининг академик қўшиқ ва рақс ансамбли бадиий раҳбари (2016-йил апрел – декабр). Россия Федерацияси Қуролли Кучлари Ҳарбий оркестр хизмати бошлиғи – бош ҳарбий дирижёр (2002—2016). Генерал-лейтенант (2010). Россия Бастакорлар уюшмаси аъзоси. Россия Федерацияси халқ артисти (2014).

Валерий Халилов
Таваллуди 30-январ 1952-йил
Термиз, Ўзбекистон ССР
Келиб чиқиши Рус
Вафоти 25-декабр 2016-йил(2016-12-25)
(64 ёшда)
Сочи, Россия
Касби Дирижёрлик ва Композитор
Фуқаролиги СССР → Россия
Ҳамкорлиги А. В. Александров номидаги Россия армиясининг ашула ва рақс ансамбли ҳамда Россия Федерацияси Қуролли Кучларининг Ҳарбий оркестр хизмати
Мукофотлари

Moskvaning 850 yilligi uchun esdalik" medali

Веб-сайт Расмий веб саҳифаси

Биография

1952-йил 30-январда Ўзбекистон ССРнинг Термиз шаҳрида, ҳарбий дирижёр оиласида туғилган. Отаси Михаил Николаевич Халилов 1950-йилда П. И. Чайковский номидаги Москва давлат консерваториясининг ҳарбий дирижёрлик факултетини тамомлаган; онаси – Клаудия Василевна Виноградова. 1961-йилда оила Москвага кўчиб ўтган.

1963-йилдан – Москва ҳарбий мусиқа мактаби ўқувчиси (кларнет синфи – ўқитувчи Й. М. Егоров, фортепиано синфи – Т. И. Соколова)[2].

1970—1975-йилларда П. И. Чайковский номидаги Москва давлат консерваториясининг ҳарбий дирижёрлик факултетида таҳсил олган. (профессор Г. П. Алявдиннинг дирижёрлик, профессор Л. Ф. Дунаевнинг асбобсозлик синфларида).

Биринчи марта Пушкин номидаги ҳаво мудофааси радиоэлектроника олий қўмондонлик мактабининг оркестр дирижёри лавозимида фаолиятини бошлаган.

1980-йилда Валерий Халилов бошчилигидаги оркестр Ленинград ҳарбий округи ҳарбий оркестрлари танловида 1-ўринни эгаллаган. 1981-йилда Валерий Халилов П. И. Чайковский номидаги Москва давлат консерваториясининг ҳарбий дирижёрлик факултети дирижёрлик кафедраси ўқитувчиси этиб тайинланган. 1984-йилда СССР Қуролли Кучлари Ҳарбий оркестр хизмати дирексиясига ўтказилган, у ерда ҳарбий оркестр хизмати офицери, катта офицер ва ҳарбий оркестр хизмати бошлиғининг ўринбосари (1992-йилдан) лавозимларида ишлаган.

2002-йилдан 2016-йилгача – Россия Федерацияси Ҳарбий оркестр хизмати бошлиғи – бош ҳарбий дирижёр. Бу лавозимда у бир неча бор Қизил майдонда Ғалаба кунига бағишланган парадларда қатнашган бирлашган ҳарбий оркестрнинг дирижёри сифатида ишлаган. Тарихда генерал-лейтенант ҳарбий унвонига эга бўлган иккинчи хизмат бошлиғидир. 2015-йил майдан бошлаб „Байрам маданияти академияси“ васийлик кенгашининг аъзоси ҳисобланади.

2016-йил апрел ойида – А. В. Александров номидаги Россия армиясининг академик қўшиқ ва рақс ансамбли бадиий раҳбари лавозимига тайинланган.

Валерий Халилов Россия ва хорижий чолғу асбоблари жамоалари иштирокидаги кўплаб байрамона театр тадбирлари, жумладан, Кремл тонги ва Спасская минораси каби халқаро ҳарбий мусиқа фестивалларининг ташкилотчиси бўлган. „Спасская башня“, „Амурскиэ волни“ (Хабаровск) ва „Марш столетия“ (Тамбов) фестивалларининг, шунингдек, Южно-Сахалинскдаги Халқаро ҳарбий мусиқа фестивалининг мусиқий раҳбари бўлган. Россия Федерацияси Қуролли Кучларининг етакчи оркестрлари билан Австрия, Швеция, АҚСҲ, Венгрия, Германия, Шимолий Корея, Мўғулистон, Полша, Финландия, Франсия, Швейсария, Белгияда гастролларда бўлган.

Валерий Халилов дамли чолғу асбоблари оркестри учун „Адажио“, „Элегия“ асарларининг, „Кадет“, „Молодёжний“, „Ринда“, „Улан“ маршларининг, шунингдек, романс ва қўшиқларнинг муаллифи ҳисобланади.

Валерий Михайлович Халилов 2016-йилнинг 25-декабр куни 65 ёшида Сочида Россия Мудофаа вазирлиги самолётининг Хмеймимга (Сурия) йўналишида ҳалокатга учраши оқибатида ҳалок бўлган. У билан бирга 91 киши, шу жумладан Александров номидаги ансамблнинг 64 нафар артисти вафот этади[3][4].

Қолдиқлар 2017-йил январ ойида генетик текширувдан сўнг аниқланган[5]. Валерий 2017-йил 16-январда васиятига кўра, Владимир вилоятининг Киржач туманидаги Архангелск Погостида дафн этилган[6].

Мукофотлари

Ҳарбий унвонлари

Илмий унвони

Адабиётлар

Манбалар

  1. ↑ „Источник сообщил о нахождении в упавшем Ту-154 дирижера Валерия Халилова“. интерфах.ру (2016-йил 25-декабр). 2020-йил 19-сентябрда асл нусхадан архивланган. Қаралди: 2016-йил 25-декабр.
  2. ↑ „За музыкою вслед…“. 2020-йил 27-октябрда асл нусхадан архивланган. Қаралди: 2017-йил 4-январ.
  3. ↑ „Источник сообщил о нахождении в упавшем Ту-154 дирижера Валерия Халилова“. интерфах.ру (2016-йил 25-декабр). 2020-йил 19-сентябрда асл нусхадан архивланган. Қаралди: 2016-йил 25-декабр.
  4. ↑ „Список пассажиров, находившихся на борту Ту-154 Минобороны России : Министерство обороны Российской Федерации“. фунcтион.мил.ру. 2017-йил 11-октябрда асл нусхадан архивланган. Қаралди: 2016-йил 25-декабр.
  5. ↑ „ТАСС: Происшествия — Опознаны более 70 погибших при крушении самолёта Ту-154“. 2017-йил 14-январда асл нусхадан архивланган. Қаралди: 2017-йил 13-январ.
  6. ↑ Гамов А. „Валерия Халилова проводили в последний путь его музыканты — под его музыку…“. Комсомольская правда (2017-йил 16-январ). 2020-йил 11-ноябрда асл нусхадан архивланган. Қаралди: 2017-йил 16-январ.

Ҳаволалар

"https://new.ziyosfera.uz/ziyo/19914441" dan olindi