Ziyosfera

Valeriy Yakimsov

Валерий Виталиэвич Якимсов (русча: Якимцов, Валерий Витальевич; 1952-йил 28-октябр, Барановичи[1], Беларус ССР, СССР) – совет футболчиси, ҳимоячи позициясида ўйнаган.

Валерий Якимсов
Шахсий маълумот
Тўлиқ исми Валерий Виталиэвич Якимсов
Таваллуд санаси 1952-йил 28-октябр (1952-10-28) (74 ёш)
Таваллуд жойи Барановичи, Белоруссия СССР
Амплуаси Ҳимоячи
Профессионал фаолияти*
Йиллар Жамоа Ишт. (Гол.)
1972—1973 Искра (Смоленск)
1974—1975 Балтика 46 (14)
1976 CСКА (Киев) 14 (0)
1977—1980 Зенит 65 (1)
1981 ЛОМО
1982—1984 Пахтакор 58 (2)
*Профессионал клублардаги голлари (ички чемпионат)

Биография

Валерийнинг отаси ҳарбий учувчи, подполковник бўлиб, Су-15 ва МиГ-21 самолётларида учган. Якимсов мактабни тугатгач, Смоленск жисмоний тарбия институтига ўқишга кирган ва 1972—1973-йилларда Беларуссиянинг маҳаллий жамоаси, „Искра“ клуби таркибида СССР чемпионатининг иккинчи зонасида ўйнаган. 1975—1976-йилларда Калининграднинг „Балтика“ жамоасида ўйнаган. 1977-йилда у Ленинграднинг „Зенит“ клубига ўтган. Уч йил давомида Валерий чемпионатда 65 ўйин ўтказиб, битта гол урган. 1980-йил феврал-март ойларида жамоа СССР кубоги гуруҳ босқичи ўйинларини ўтказди. 8-март куни футболчилардан бирининг туғилган кунини нишонлаётган Якимсов ўз вақтида клуб базасига қайта олмади. Валерийнинг спорт режимини бузганлиги учун „Зенит“ жамоасидан бир йилга четлатилди. Валерий Зенит жамоасидан четлатилган даврида Ленинграднинг „ЛОМО“ клуби таркибида маҳаллий чемпионатда ўйнаган.

1982—1984-йилларда Тошкентнинг „Пахтакор“ клуби таркибида ўйнаган. Бу даврда клуб таркибида 58 та ўйин ўтказиб 2 та гол урган. Пахтакор жамоаси СССР Олий лигасидан тушиб кетганидан сўнг профессионал фаолиятини якунлашга қарор қилган. Валерий кейинчалик 60 ёшгача, инсулт бўлгунга қадар „Зенит“ фахрий жамоасида ўйнаган.

Ютуқлар

  • Украина ССР кубоги ғолиби: 1976-йил

Манбалар

  1. ↑ Ю. Лукосяк. „Кто эст кто в петербургском футболе“, 2011, с. 184

Ҳаволалар

"https://new.ziyosfera.uz/ziyo/19914441" dan olindi