Varikond

Вариконд (инг . вари (абле) - ўзгарувчан ва cонд (энсер) — конденсатор) — ташқи электр майдони таъсирида сиғими ўзгарадиган конденсатор. В. сегнето-электрикларнинг диэлектрик сингдирувчанлиги ташқи электр майдонига боғлиқлигига асосланган. В. тайёрланадиган материал (мас., барий титанат)га турли аралашмалар қўшиб, унинг хусусиятини ўзгартириш мумкин. В. диэлектрик кучайтиргичларда вакуум лампалар ўрнида ишлатилади. Узоқ, муддат ишлайди, енгил, зарбаларга чидамли. В.нинг қувватни кучайтириш коэффициенти катта. В. электр сигналларни ўзгартиради ва кучайтиради, ток ва кучланишни бир меъёрда ушлаб туради, қувватни оширади ва б. Автоматика, электроника, ҳисоблаш техникаси, радиоэлектроника қурилмаларида қўлланади.

Адабиётлар

• ЎзМЕ. Биринчи жилд. Тошкент, 2000-йил