Veber

Вебер — ака-ука немис олимлари; 1) Эрнст Генрих (1795—1878) — немис анатоми ва физиологи. Лейпсиг университети проф. (1818). Экспериментал психология асосчиларидан бири. Сезги аъзолари (эшитиш, кўриш, тери сезгилари) физиологияси соҳасидаги илмий тадқиқот ишлари Вебер-Фехнер қонунига асос бўлди; 2) Вилгелм Эдуард (1804— 1891) — немис физиги. Петербург ФА хорижий мухбир аъзоси (1863). Илмий ишлари электр ва магнетизм ҳодисаларига оид; К. Ф. Гаусс билан ҳамкорликда электр ва магнит бирликлари мутлақ тизимини ишлаб чиққан. Магнит оқимининг бирлиги унинг номи билан аталади. В. электр заряди ва модда электр тузилиши узлуклилик ҳарактерига эга эканлиги ҳақидаги гипотеза муаллифларидан бири. Ҳаракатдаги зарядларнинг ўзаро таъсир қонунини кашф қилган. Бир қанча ўлчов асбобларини (мас., магнит индуксияси оқимини ўлчайдиган асбобни) ясаган, Германиядаги биринчи телеграфни қурган (1833); 3) Эдуард (18061871) -физиолог. Мускулнинг кучи унинг кўндаланг кесим юзасига тенг эканлигини, томир уриши тўлқинларининг тарқалиш тезлигини аниқлаган.

Адабиётлар

• ЎзМЕ. Биринчи жилд. Тошкент, 2000-йил