Vellington

Веллингтон, Уэллингтон (инглизча: Wеллингтон) — Янги Зеландия пойтахти, Шимолий оролининг жанубида, Тинч океаннинг Порт-Николсон қўлтиғини ўраб турувчи тоғ ён бағрида жойлашган. Иқлими субтропик денгиз иқлим, январнинг ўртача темпатураси 16 °C, июлники 8 °C, йиллик ёғин қарийб 1445 мм. Тез-тез зилзила бўлиб туради. Аҳолиси — 335,5 минг киши (1996). Денгиз порти (юк ортиш ва тушириш 15 млн.т). Четга гўшт, жун, ёғ, сут маҳсулотлари, ме-валар, қишлоқ хўжалиги машиналари чиқарилади, четдан саноат маҳсулотлари, буғдой, чой, кофе, какао келтирилади. Халқаро аэропорт бор. Мамлакатнинг муҳим иқтисодий ва маданий маркази. Озиқ-овқат, машинасозлик, металлургия, ёғочсозлик, қоғоз, енгил саноат корхоналари мавжуд. Университет, политехника институти, Янги Зеландия Қироллик жамияти, Янги Зеландия нафис санъат академияси, миллий расмлар галереяси, миллий музей, театрлар ва ботаника боғи бор. Шаҳарга инглиз мустамлакачилари томонидан 1840-йилда асос солинган. Инглиз давлат арбоби, герсог А. Веллингтон (1769—1852) номи билан аталган. 1865-йилдан пойтахт деб атала бошланди.

Адабиётлар

• ЎзМЕ. Биринчи жилд. Тошкент, 2000-йил