Vellington ustuni
Веллингтон устуни ― (инглизча: Wеллингтон'с Cолумн) ёки Wатерлоо ёдгорлиги. Веллингтоннинг 1-герцоги хотирасига бағишланган. У Англиянинг Ливерпул шаҳридаги Уилям Браун ва Лайм кўчалари бурчагида жойлашган.
Тарихи
1852-йилда герцог Веллингтон вафотидан кейин Ливерпулда унинг ғалабалари шарафига ёдгорлик ўрнатишга қарор қилинди. Маблағ йиғиш учун қўмита тузилди, лекин одамлар пул беришни истамади. 1856-йили устун қурадиган ҳайкалтарош топиш учун дизайн танлови ўтказилди, унда Эндрю Лоусон ғолиб чиқди. Кейинчалик, 1861-йилда иккинчи танлов ташкил этилди, герцог ҳайкалини ясовчи ҳайкалтарошни аниқлаш мақсадида ўтказилган бу сафарги танловда Жорж Андерсон Лоусон ғолиб чиқди[1]. 1861-йил 1-майда Ливерпул мери томонидан пойдевор қўйилган. Қурилиш 1865-йил охирида якунланган.
Тавсифи
Ёдгорликнинг пойдевори қумтошдан, тагкурсиси гранитдан ясалган. Ёдгорликнинг баландлиги 132 фут, шу жумладан устуннинг баландлиги 81 фут ва ҳайкалнинг ўзи 25 фут ўлчамда. Шунингдек, пойдевори квадрат шаклда поғонали. Пойдеворнинг ҳар икки томонида бронза лавҳа, бурчакларида бронза бургутлар, ён томонларида гулчамбарлар бор. Пойдеворда Римнинг Дорик орденига мансуб чуқур ўйилган изли устун ўрнатилган. Кузатув майдончасига олиб борадиган зинапояда 169 поғона бор. Устуннинг юқори қисмида гумбаз билан қопланган силиндр бўлиб, унинг устида герсогнинг бронза ҳайкали ўрнатилган. У Ватерлоо жангида қўлга олинган тўпларнинг миси эритилиб ясалган[2].
Пойдеворнинг жанубий қисмидаги жездан ясалган лавҳада Ватерлоо жанги якуни тасвирланган. Устуннинг шарқий ва ғарбий қисмидаги релефларда герцогнинг бошқа ғалабали жанглари акс эттирилган.
Манбалар
- ↑ Поллард, Ричард; Певснер, Николаус (2006), Ланcашире: Ливерпоол анд тҳе Соутҳ-Wест, Тҳе Буилдингс оф Энгланд, Неw Ҳавен анд Лондон: Яле Университй Пресс, 300-бет, ИСБН 0-300-10910-5
- ↑ Пе, Кен (2011), Дисcовер Ливерпоол, Ливерпоол: Тринитй Миррор Медиа, 23-бет, ИСБН 978-1-906802-90-5