Vestgotlar

Вестготлар, визиготлар, тервинглар — герман қабиласи, готларнинг ғарбий тармоғи. Мил. ИИИ—ИВ асрларда Днестр дарёсининг ғарбий томонида яшаган В. ИВ асрнинг 70-й.ларида ҳуннлар сиқуви остида Дунай дарёсидан ўтиб Мёзияга ўрнашганлар (қаранг Халқларнинг буюк кўчиши). 418-йил Жан. Галлияда Ғарбий Рим империяси ҳудудида маркази Тулуза ш. бўлган илк варвар қироллигини барпо этганлар. В аср 2-ярмида В. Испаниянинг катта қисмини эгаллаб олганлар. 507-йил франклар томонидан Жан. Галлия босиб олингач, бу ер В. қироллигининг асосий ҳудуди бўлиб қолган; ВИ аср ўртасидан унинг пойтахти Толедо ш. бўлган. В. айрим маҳаллий ер эгалари қўлидаги ҳайдаладиган ерларнинг 2/3 қисмини тортиб олганлар. Рим тартиботи билан яқиндан танишиш В.ларга уруғ-қабилачилик муносабатларидан илк мулкчилик тузумига ўтиш имконини берган. Вестгот қироллигида ҳукмрон этник гуруҳ бўлган босқинчи В. аста-секин маҳаллий испан-рим аҳолиси билан аралашиб кетган. 711—718-йилларда В. давлати араблар томонидан забт этилган (яна қ. Испания).

Адабиётлар

• ЎзМЕ. Биринчи жилд. Тошкент, 2000-йил