Vidikon

Видикон (видео ...ва юн. ликон — тасвир) — фотоўтказувчи нишонли узатувчи телевизион трубка; телекамеранинг асосий элементи. Ички фотоэффект ёрдамида объэктнинг оптик тасвирини электр сигналига айлантиради. В. тарқатувчи ва саноат телевидениеси тизимида узатувчи трубканинг асосий тури.

В.нинг асосий элементи нишон; у шаффоф ўтказгич тагликка ўтказилган юпқа қатламли яримўтказгичли фотоқаршиликлар мажмуидан иборат. Дастлабки В.ларнинг нишони СбС3 дан тай-ёрланган. Студиядаги узатишлар учун нишони ёруғликка нисбатан юқори сезгирликка ва кичик инерсияга эга бўлган РО дан ясалган В. (плюмбикон, ледикон) кўп қўлланади. Селенид кадмийнииг (халникон ёки кадми-кон), Се—Ас—Те нинг (сатикон), ЗнС— Cд—Те нинг (нювикон) гетероўтишларига асосланган нишонлар кичик қоронғилик токига (ёруғлик тушмаганда) эга. Бундай В. студиядан ташқарида рангли репортаж камералари учун қўлланади.

Рангли тасвирларни узатиш учун ёки мос рангли филтрлар билан 3 та В., ёки нишони ёруғлик филтрларининг даврий тузилишига эга бўлган, 3 асосий рангли тасвир (кўк, қизил, яшил)ни қўшувчи ва ажратувчи махсус конструксияли битта В. ишлатилади. Нишони рентген нурланишига сезгир бўлган аморф Се дан ясалган В. рентген телевизион дефектоскопияда ишлатилади.

Адабиётлар

• ЎзМЕ. Биринчи жилд. Тошкент, 2000-йил