Vitellogenez
Вителлогенез (лот. вителлус — сариқлик ва ...генез) — сариқлик ҳосил бўлиши, ооцитларнинг тез ўсиш фазасида уларда сариқлик синтезланиши ва тўпланиши. Бу жараёнда ооцитнинг иштироки оогенез типига боғлиқ. Солитар оогенезда сариклик оқсиллари ооцитнинг гранулалашган эндоплазматик тўрида (яъни эндоген) синтезланади; Голжи комплексида эса сариқлик гранулалари шаклланади ва углеводлар оқсилларга бирикади. Алиментар оогенезда сариқлик оқсилларининг асосий қисми тухумдондан ташқарида (яъни экзоген) синтезланади ва пиноцитоз орқали гемо-лимфадан ёки қондан ооцитга ўтади; сариқлик гранулалари эса вителлогенин оқсилидан пиноцитоз пуфакчаларда шаклланади. Бу пуфакчалар бирбири ва Голжи комплекси моддалари билан қўшилади. Бир қанча моллюскалар ва сувда ҳамда қуруқлиқда яшовчиларда кристаллик тузилган сариқлик гранулалари митохондрияларда шаклланади.
Адабиётлар
- ЎзМЕ. Биринчи жилд. Тошкент, 2000-йил
|
Бу мақолада бошқа тил бўлимларига ишорат йўқ. Сиз уларни топиб ва ушбу мақолага қўшиб, лойиҳага ёрдам беришингиз мумкин. |
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |