Ziyosfera

Vladimir Retsepter

Владимир Эмануилович Рецептер[1] (1935-йил 14-феврал, Одесса) – совет ва рус актёри, режиссёр ва ёзувчи, пушкиншунос олим. Россия Федерацияси халқ артисти (2003), Россия Федерацияси Давлат мукофоти (2000) ва Россия Федерацияси Президенти мукофоти (2018) лауреати. Бутунроссия театр жамияти (1960), СССР Ёзувчилар уюшмаси (1979) ва СССР Кинематографлар уюшмаси аъзоси. „Театр ҳаёти“ журнали таҳририяти аъзоси, Санкт-Петербург Ёзувчилар уюшмаси ва Халқаро ПЕН-клуб аъзоси.

Владимир Эмануилович Рецептер
Таваллуди 1935-йил 14-феврал (1935-02-14) (91 ёш)
Одесса, Украина ССР, СССР
Фуқаролиги SSSR bayrogʻi СССР→Rossiya bayrogʻi Россия
Касби актёр, театр режиссёри, ёзувчи, Пушкиншунос олим
Фаолият йиллари 1959—ҳозиргача

Ҳаёти

Владимир Рецептер 1935-йил 14-февралда Одессада туғилган. Отаси Эмануэл Абрамович Рецептер совет отлиқ офицери, КПСС аъзоси бўлган. Армиядан демобилизация қилинганидан кейин турли маъмурий лавозимларда ишлаган. Онаси Елизавета Абрамовна Дворкина тарихчи, тарих фанлари номзоди ҳамда академик М.В.Нечкинанинг шогирди бўлган.

Владимир Рецептер 1957-йилда Тошкентдаги Ўрта Осиё университетининг филология факултетини, 1960-йилда эса Тошкент театр ва рассомлик институтининг актёрлик факултетини тугатган. 1959-йилдан бошлаб у ўша пайтда бош режиссёри А.О.Гинзбург бўлган М.Горкий номидаги Тошкент рус драма театри саҳнасида А.Михайловнинг „Гамлет“ песаси туфайли шуҳрат қозонган[2]. 1962-йилда Ленинград Болшой драма театрига таклиф қилинган. 1964-йилдан бошлаб у филмларда рол ўйнаган, Шекспир, Пушкин, Грибоэдов, Ираклий Абашидзе ва ўз песалари асосида бир қатор бир кишилик спектаклларни саҳналаштирган. Фёдор Достоевский музейи қошидаги Ленконсерт адабий-драматургия студиясининг бадиий раҳбари (1977—1984), 1992-йилдан Санкт-Петербургдаги Пушкин номидаги Давлат театр маркази ва Пушкин мактаби театри асосчиси ва доимий бадиий раҳбари бўлган.

„Ёшлик“ (Шеърлар – 1988, 10-сон), „Юлдуз“ (Шеърлар – 1994, 8-сон), „Ризолик“ (1994, 1-2-сон), „Знамя“ (1996, 9-сон), „НМ“ (Шеърлар – 1997, 3-сон), „Огонёк“ (1990, 13-сон) журналларида шоир, носир ва очерк муаллифи сифатида ижод наъмуналари чоп этилган. Пушкиншунослик соҳасида илмий тадқиқотлар олиб борган.

Борис Пастернакнинг „Доктор Живаго“ романининг драматизацияси („Юрий Живагонинг дафтарчаси“) Владимир Рецептернинг ўзи томонидан „Литеинй“ да Ленинград драма ва комедия театрида саҳналаштирилган (1988). Пушкин мактаб театрида 20 дан ортиқ спектаклларни саҳналаштирган.

Мукофотлари

  • Бутунроссия эстрада рассомлари танлови лауреати (1964)
  • Пушкин номидаги Бутунроссия танлови лауреати (1970)
  • РСФСРда хизмат кўрсатган артист (1979-йил 19-сентябр)[3]
  • Пушкин медали (1999-йил 4-июн)[4]
  • 1999-йилдаги Россия Федерациясининг таълим соҳасидаги Давлат мукофоти (2000-йил 9-июн)[5]
  • Знамя фонди мукофоти (2001)
  • Россия Федерациясининг халқ артисти (2003-йил 29-ноябр)[6]
  • Санкт-Петербург Қонунчилик Ассамблеясининг фахрий дипломи (2005-йил 20-апрел)[7]
  • „Шон-шараф“ ордени (2008-йил 25-январ)[8]
  • „Пушкинга содиқ хизмати учун“ Янги Пушкин мукофотининг махсус дипломи (2011)
  • Россия Федерацияси Президентининг Фахрий ёрлиғи (2016-йил 3-март)[9]
  • Россиянинг маданий меросини сақлашга қўшган ҳиссаси учун Д. С. Лихачев мукофоти (2016)
  • Россия Федерацияси Президентининг адабиёт ва санъат соҳасидаги болалар ва ёшлар асарлари учун мукофоти (2018-йил 19-март)[10][11]
  • Россия миллий театр мукофоти (2018)
  • ИВ даражали „Ватанга хизматлари учун“ ордени (2021-йил 6-апрел)[12]

Манбалар

  1. ↑ „Художественный руководитель“. Государственный Пушкинский театральный центр в Санкт-Петербурге. 2019-йил 6-мартда асл нусхадан архивланган. Қаралди: 2019-йил 3-март.
  2. ↑ Воспоминания Владимира Рецептера о ташкенцком театре, родителях, своём деде… (Фрагменти из книги: Рецептер В. Э. Прошедший сезон, или Предлагаэмиэ обстоятелства. – Л.: Искусство, 1989.) // Мой Ташкент. – 2011. – 11 июня.
  3. ↑ „Указ Президиума Верховного Совета РСФСР от 19 сентября 1979 года «О присвоении почётного звания заслуженного артиста РСФСР Рецептеру В. Э.»“. 2019-йил 25-мартда асл нусхадан архивланган. Қаралди: 2019-йил 25-март.
  4. ↑ „Указ Президента Российской Федерации от 4 июня 1999 года № 700 «О награждении медалью Пушкина»“. 2019-йил 1-апрелда асл нусхадан архивланган. Қаралди: 2017-йил 11-ноябр.
  5. ↑ „Указ Президента Российской Федерации от 9 июня 2000 года № 1085 «О присуждении Государственных премий Российской Федерации в области литературы и искусства 1999 года»“. 2019-йил 9-февралда асл нусхадан архивланган. Қаралди: 2019-йил 25-март.
  6. ↑ „Указ Президента Российской Федерации от 29 ноября 2003 года № 1416 «О награждении государственными наградами Российской Федерации»“. 2019-йил 25-мартда асл нусхадан архивланган. Қаралди: 2019-йил 25-март.
  7. ↑ „Постановление Законодательного Собрания Санкт-Петербурга от 20.04.2005 Н 162“. 2023-йил 21-июнда асл нусхадан архивланган. Қаралди: 2022-йил 17-ноябр.
  8. ↑ „Указ Президента Российской Федерации от 25 января 2008 года № 91 «О награждении государственными наградами Российской Федерации»“. 2017-йил 12-ноябрда асл нусхадан архивланган. Қаралди: 2017-йил 11-ноябр.
  9. ↑ „Распоряжение Президента Российской Федерации от 3 марта 2016 года № 38-рп «О поощрении»“. 2018-йил 6-ноябрда асл нусхадан архивланган. Қаралди: 2019-йил 25-март.
  10. ↑ „Указ Президента Российской Федерации от 19 марта 2018 года № 104 «О присуждении премий Президента Российской Федерации в области литературы и искусства за произведения для детей и юношества 2017 года»“. 2019-йил 30-мартда асл нусхадан архивланган. Қаралди: 2019-йил 25-март.
  11. ↑ „Объявлены лауреаты премий Президента для молодых деятелей культуры и за произведения для детей и юношества 2017 года“. 2018-йил 19-мартда асл нусхадан архивланган. Қаралди: 2018-йил 19-март.
  12. ↑ Указ Президента Российской Федерации от 6 апреля 2021 года № 195 „О награждении государственними наградами Российской Федерации“ 
"https://new.ziyosfera.uz/ziyo/19914441" dan olindi