Vladislav Kuznetsov

Владислав Гариевич Кузнецов (русча: Владислав Гариевич Кузнецов; 1969-йил 18-мартда туғилган) – россиялик сиёсатчи, 2023-йилнинг март ойидан бери Чукотка автоном округи губернатори вазифасини бажарувчиси.

Биографияси

Владислав Кузнецов 1969-йили 18-мартда Москвада туғилган. У ўрта мактабни тугатгандан сўнг, Оржоникидзе номидаги Москва давлат бошқарув институтида таҳсил олади^[1]. Кузнецов ўз фаолиятини 1992-йилда „ИСТЕК“ давлат фирмасида менежер сифатида бошлаган. 1993-йилдан 1994-йилгача „Верешчагин ва К“ ОАЖда менежер бўлиб ишлаган. 1994—1998–йилларда иқтисодчи, катта иқтисодчи, бош иқтисодчи, сектор бошлиғи, бўлим бошлиғи ўринбосари, девон директори ўринбосари ва Москва аксиядорлик банкида тадбиркорликка ёрдам бўлимининг бошлиғи лавозимларида фаолият юритган. Кейин 1998-йилдан 2002-йилга қадар „Россия Капитал“ банки бошлиғининг ўринбосари, „Тройка Диалог“ инвестиция компаниясида ЁАЖда маслаҳатчи, 2002-йилдан 2005-йилгача „Траст ва инвестиция банки“ идораси директори ва бошқарувчи директори лавозимларида ишлайди. Кузнецов 2009-йили Сибур корпорациясига қўшилиб, у ерда 2009-йилгача корпоратив сиёсат хизмати бошлиғининг ўринбосари, „СИБУР-ЭВРОПА ЛТД“ ЁАЖ (Швейсария) ваколатхонаси раҳбари ва бошлиғи ўринбосари бўлиб ишлаган. 2009—2011–йилларда „СИБУР-МОТОРС“ ЁАЖ бош директорининг ўринбосари, терефталик кислота ва полиэтилен терефталат ишлаб чиқариш учун масъул бўлган Сибур бўлими Полиэф бош директори лавозимларида ишлайди^[2]. Кузнецов 2011-йилнинг ноябр ойида СИБУР-ПЕТ компаниясига кўчиб ўтиб, у ерда 2014-йилнинг февралигача бош директор бўлиб ишлади. 2014-йилдан 2018-йилгача Сибурда бизнесни қўллаб-қувватлаш бўйича директор ва Москвада бош директор маслаҳатчиси лавозимларида ишлаган. 2018-йил май-декабр ойларида эса Сибур хайрия жамғармаси – „Яхши ишлар формуласи“ ни бошқаради^[3].

Шахсий ҳаёти

Владислав Кузнецов Уляна Ивановага уйланган. 2012-йилда Страсбург университетининг (Франсия) „Халқаро муносабатлар ва минтақавий интеграция жараёнлари тарихи“ йўналишини тамомлаб, сўнг Тюмен вилояти инфратузилмани ривожлантириш агентлигида, Қўрғон вилояти инвестиция агентлиги бош директори ўринбосари (2019–2020), Қўрғон иқтисодий ривожланиш, тадбиркорлик ва савдо департаменти директори ўринбосари (2020) ва департамент директори (2020–2021) лавозимларида фаолият юритган^[4]^[5]^[6]. Кузнецов ва Иванованинг учта фарзанди бор: икки ўғил ва бир қиз^[7]. Кузнецов 2022-йил июл ойида^[8] Луганск Халқ Республикасидаги хизмати учун Буюк Британия, 2022-йил август ойида^[9] Канада ва 2022-йил октябрда^[10] Европа Иттифоқи томонидан санксияларга тортилган.

Мукофатлари

Қўрғон вилояти рақамли эшиттириш лойиҳасини амалга оширишга қўшган ҳиссаси учун 2020-йилда Россия Президентининг миннатдорчилик мактубини олган^[11].

Манбалар

[1] Лица Заураля. КУЗНЕЦОВ Владислав Гариэвич.^{[сайт ишламайди]}

[2] Депутати Государственного Собрания – Курултая Республики Башкортостан. 5 созив

[3] Кармани депутатов Башкирии

[4] Пётр Валаренко. Инвестиции в Курган будет привлекат випускница франсузского университета. Газета „Курган и курганси“ от 07.02.2020

[5] 01.09.2020. Директором Департамента экономического развития, предпринимателства и торговли Администрации города Кургана назначена Уляна Иванова

[6] Глава экономического департамента Кургана покинула пост. Уляна Иванова проработала в должности около года

[7] 15.03.2023. Путин назначил первого вице-премера ЛНР Владислава Кузнесова и.о. глави Чукотки

[8] Бивший вице-губернатор Курганской области попал под санксии

[9] Канада вводит санксии против 62 физлиц и одной структури в связи с ситуациэй на Украине

[10] Оффиcиал Жоурнал оф тҳе Эуропеан Унион

[11] Распоряжениэ Президента Российской Федерации от 20.07.2020 г. № 185-рп

[1]

[2]

[3]

[4]

[5]

[6]

[7]

[8]

[9]

[10]

[11]