Ziyosfera

Vodiy Faran

WEBSTER(1830) 2.210 Wadi Feiran
WЕБСТЕР(1830) 2.210 Wади Феиран

Водий Фаран — Мисрнинг Синай ярим оролининг жанубидаги 81-миля (130 км) узунликка эга бўлган энг катта ва энг кенг водий. Бу вақти-вақти билан оқадиган сув йўли бўлиб, денгиз сатҳидан 2500 метр баландликдаги Авлиё Кетрин монастири атрофидаги тоғлардан бошланади[1].

Бу жой Моисей пайғамбар қояни уриб, ундан сув чиқарган ва шу орқали ўз халқи — ибронийларни сув билан таъминлаган Эходус давридаги манзилгоҳлардан бири — Рефидим бўлиши мумкин бўлган ҳудудлардан бири ҳисобланади[2].

Водийнинг Жабал Мусо атрофидаги юқори қисми Водий аш-Шайх номи билан танилган[3]. Водий Абу Зенимадан 18 миля (29 км) жануби-шарқда Қизил денгизнинг Сувайш қўлтиғига қуйилади[1]. Птолемей Клавдий бу ҳудудни Паран жойлашган ер деб белгилаган[4]. Яқин атрофдаги тепалик Телл Феиран деб аталади.

Фаран воҳаси

Илгари Ал-Ҳесва номи билан танилган Фаран воҳаси Водий Фаран бўйлаб, унинг қуйилиш жойидан 28 миля (45 км) юқорироқда, тахминан 3 миля (4.8 км) масофага чўзилган[4].

Синай бадавийлари

Илгари эчки жунидан тикилган чодирларда[5], ҳозирда эса тош уйларда яшайдиган кўчманчи халқ — бадавийлар Синай тоғи яқинидаги Водий Фаран ва Фаран воҳасида меҳмонларни анъанавий тарзда меҳмондўстлик билан кутиб олади. Бадавийлар саёҳатчиларга меҳмондўстлик кўрсатишни ўзлари учун шараф деб билади. Улар меҳмонларга чой ва қаҳва таклиф қилади; масалан, яқин вақтгача (2003-йилгача) улар меҳмон шарафига жонлиқ сўйишни ўз бурчи деб билган[6]. Фотожурналист Wернер Браун Водий Фарандаги бадавийларни суратга олган[7][6].

Бироқ, сайёҳлик қўлланмалари ташриф буюрувчиларга меҳмондорчиликни ҳаддан ташқари чўзиб юбормасликни маслаҳат беради. Чунки бадавий мезбонлар меҳмоннинг мақбул қолиш муддатини уч кун деб ҳисоблайди: биринчи кун — саломлашиш ва танишиш, иккинчи кун — зиёфат, учинчи кун эса — суҳбатлашиш учун ажратилади. Тўртинчи тонгда ҳам кетишга ҳозирлик кўрмаган меҳмон худди „ола илон“ каби исталмаган инсонга айланади[6][8].

Бу ерга ва яқин атрофдаги Авлиё Кетрин монастирига зиёратчилар ҳамда қизиқувчан сайёҳлар ташриф буюради. Бир вақтлар Авлиё Кетрин монастиридан келган роҳиб Водий Фаранда кичик черков ва хўжаликни ҳам юритган[4][5].

Яна қаранг

Манбалар

  1. ↑ 1,0 1,1 Заҳран, М.А.; Wиллис, А.Ж.. Тҳе Вегетатион оф Эгйпт. Спрингер Сcиэнcе & Бусинесс Медиа, Марч 14, 2013 — 285-бет. ИСБН 9789401580663. Қаралди: 2016-йил 7-ноябр. 
  2. ↑ Берретт & ал. (1996), с. 315.
  3. ↑ Берретт & ал. (1996), с. 315–16.
  4. ↑ 4,0 4,1 4,2 Берретт & ал. (1996), с. 316.
  5. ↑ 5,0 5,1 „Wади Феиран“. Бедаwи. 2017-йил 14-январда асл нусхадан архивланган. Қаралди: 2016-йил 7-ноябр.
  6. ↑ 6,0 6,1 6,2 Марч, Мичаэл. Гуиде то Эгйпт. Давидсон Титлес, 1996 — 27-бет. ИСБН 1-884756-42-5. 
  7. ↑ „Пҳотограпҳерс / Wернер Браун“. Пҳотограпҳй ин Жерусалем ин меморй оф Цадок Бассан. Қаралди: 2016-йил 7-ноябр.
  8. ↑ Ричардсон, Дан. Эгйпт. Роугҳ Гуидес, 2003 — 735-бет. ИСБН 9781843530503. Қаралди: 2016-йил 6-ноябр. „ас wелcоме ас тҳе споттед снаке.“ 

Адабиётлар

  • Берретт, ЛаМар C.; эт ал. (1996), Дисcоверинг тҳе Wорлд оф тҳе Библе (3рд-нашр), Прово: Грандин Боок, ИСБН 0-910523-52-5

Ҳаволалар

Викиомборда „Водий Фаран“ мавзуси бўйича медиафайллар бор.


28°43′07″Н 33°37′13″Э / 28.7187°Н 33.6202°Э / 28.7187; 33.6202 

"https://new.ziyosfera.uz/ziyo/19914441" dan olindi